18 May,2022

ထန်းတပင်၊ မေ- ၁၈

       ပဲခူးတိုင်းဒေသကြီး၊ ထန်းတပင်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီး ဌာနက ကျေးလက်နေပြည်သူများ ၏ လမ်းပန်းဆက်သွယ်ရေးအဆင်ပြေချောမွေ့ပြီး စီးပွားရေး၊ လူမှုရေး၊ ကျန်းမာ ရေးများအတွက် များစွာအထောက်အကူ ပြုစေရန်ရည်ရွယ်၍ အင်းယားကြီးကျေးရွာအုပ်စု၊ ပန်းတောက်ကုန်းကျေးရွာတွင် မြစိမ်းရောင် ကျေးရွာစီမံကိန်းအတိုးရရှိငွေ နှင့်ပြည်သူထည့်ဝင်ငွေများဖြင့်ဆောင်ရွက်သည့် ပန်းတောက်ကုန်းကျေးရွာအဝင်လမ်း‌ သဲကျောက်စရစ်ခင်းခြင်းလုပ်ငန်းဆောင်ရွက်နေမှုများကို မြို့နယ်ဦးစီးမှူး နှင့်ဝန်ထမ်းများက မေလ ၁၇ ရက်နေ့က ကွင်းဆင်းစစ်ဆေးကြကြောင်းသိရသည်။

        ထိုသို့ကွင်းဆင်းစစ်ဆေးရာတွင် ထန်းတပင်မြို့နယ်ကျေးလက်ဒေသဖွံ့ဖြိုးတိုး တက်ရေးဦးစီးဌာနမှ မြို့နယ်ဦးစီးမှူး လက် ထောက်ညွှန်ကြားရေးမှူး- နည်းပညာ ဦးကျော်မျိုးအောင်နှင့်ဝန်ထမ်းများ၊ ‌ကျေးရွာ လမ်းဖြစ်မြောက်ရေးကော်မတီဝင်များနှင့် အတူ လုပ်ငန်းဆောင်ရွက်နေမှုများအား ကြည့်ရှု့စစ်ဆေးပြီးနောက် သတ်မှတ်ကာလအတွင်း စံချိန်းစံညွှန်းပြည့်မီစွာဖြင့် အချိန်မီပြီးစီးရေးအလေးထားဆောင်ရွက်ကြရန်လမ်းညွှန်မှာကြားခဲ့ကြောင်းသိရသည်။

         ထန်းတပင်မြို့နယ်၊ အင်းယားကြီးကျေးရွာအုပ်စု၊ ပန်းတောက်ကုန်းကျေးရွာ ၌ မြစိမ်းရောင်အတိုးရရှိငွေကျပ် ၅၂ သိန်း၊ ပြည်သူထည့်ဝင်ငွေကျပ် ၁၀ သိန်း စုစု ပေါင်း ကျပ် ၆၂ သိန်းအသုံးပြုပြီး အရှည် ၁၁၈၀ ပေ၊ အကျယ် ၁၂ ပေ၊ ထု ၉ လက်မရှိသော သဲကျောက်စရစ်ခင်းခြင်းကို ကျေး ရွာပြည်သူ လူထုကိုယ်တိုင် ၁၀ -၅ -၂၀၂၂ ရက်နေ့မှ စတင်ဆောင်ရွက်ခြင်းပြီး ၃၀.၅.၂၀၂၂ ရက်နေ့တွင် ရာနှုန်း‌ပြည့်ဆောင်ရွက်ပြီးစီးမည်ဖြစ်ကြောင်း၊ ပန်းတောက်ကုန်းကျေး ရွာအဝင်လမ်း သဲ ကျောက်စရစ်ခင်းခြင်းလုပ်ငန်း ဆောင် ရွက်ပြီးစီးပါက အိမ်ခြေ ၁၃၀ မှ လူဦးရေ ၆၀၀ အကျိုးပြုမည်ဖြစ်ကြောင်း ထန်းတပင်မြို့နယ်ကျေးလက်ဒေသဖွံ့ဖြိုး တိုး တက်ရေးဦးစီးဌာနမှ မြို့နယ်ဦးစီးမှူး ဦးကျော်မျိုးအောင်က ပြောပြ၍ သိရသည်။