24 Jul,2023

မင်းဘူး  ဇူလိုင်လ ၂၄ ရက်

          မင်းဘူးခရိုင် အသေးစားစက်မှုလက်မှုလုပ်ငန်းဦးစီးဌာနအနေဖြင့် အသေးစားကုန်ထုတ်လုပ်ငန်းများဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးဆောင်ရွက်မည့် စီမံကိန်းလုပ်ငန်း(၇)ခု အနက်မှ အမျိုးသမီးများအတွက် ဝင်ငွေတိုးတက်ရေးဆောင်ရွက်မည့်လုပ်ငန်း အကောင်အထည်ဖော်မည့် မင်းဘူးမြို့နယ်၊‌ ထိန်တောကျေးရွာတွင် ဒုတိယအကြိမ်မွမ်းမံ Bakery & Snack ထုတ်လုပ်မှုနည်းပညာသင်ကြားပေးရန်အတွက် သင်တန်းဖွင့်ပွဲအခမ်းအနားကို ၂၄-၇-၂၀၂၃ ရက်နေ့ နံနက် (၁၀:၀၀)နာရီ အချိန်တွင် ကျင်းပပြုလုပ်ခဲ့ပါသည်။  

            ထို့နောက် မ‌ကွေးတိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာန၊ ညွှန်ကြားရေးမှူးမှ သင်တန်းဖွင့်လှစ်ရသည့် ရည်ရွယ်ချက်များပြောကြားခဲ့ပြီး  မင်းဘူးမြို့နယ်၊ ထိန်တောကျေးရွာ အုပ်ချုပ်ရေးမှူးမှ  သင်တန်းအဖွင့်အမှာစကားများပြောကြားခဲ့ပါသည်။ သင်တန်းဖွင့်ပွဲအခမ်းအနားသို့ မင်းဘူးခရိုင်အသေးစားစက်မှုလက်မှုလုပ်ငန်းဦးစီးဌာနမှ ဝန်ထမ်းများ၊ သင်တန်းနည်းပြများ၊ ရပ်မိရပ်ဖနှင့် သင်တန်းသူများ စုစုပေါင်း(၂၅)ဦးခန့် တက်ရောက်ခဲ့ပါသည်။

          အဆိုပါကျေးရွာတွင် ဒုတိယအကြိမ်မွမ်းမံ Bakery & Snack ထုတ်လုပ်မှုနည်းပညာအား လုပ်ငန်းထူထောင်နိုင်သည်အထိ ကျွမ်းကျင်စွာတတ်မြောက်နိုင်ရေးအတွက် သင်ကြားပေးသွားမည်ဖြစ်ပြီး အမှန်တကယ်လုပ်ငန်းထူထောင်မည့် ထူးချွန်သင်တန်းသား (၅)ဦးအား သတ်မှတ်ချက်နှင့် အညီရွေးချယ်ပြီး တစ်ဦးလျှင်ငွေကျပ်(၁၀)သိန်းနှင့်ညီမျှသော စက်ပစ္စည်းများထောက်ပံ့ပေးသွားမည်ဖြစ်ကြောင်း သတင်းရရှိပါသည်။