24 Jul,2023

ကံမ ဇူလိုင် ၂၁

          မကွေးတိုင်းဒေသကြီး ကံမမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ပြည်သူများ လူမှုစီးပွားဘဝ ဖွံ့ဖြိုးတိုးတက်စေရန် ရည်ရွယ်၍ ၂၀၂၃- ၂၀၂၄ ဘဏ္ဍာနှစ် ပြည်ထောင်စုငွေလုံးငွေရင်းရန်ပုံငွေဖြင့် ဆောင်ရွက်သော ကျောက်ပြုတ် - အင်ကြီးကုန်း - ဆန်တုံ ကျေးရွာချင်းဆက်လမ်း မြေသားတာပေါင်တိုးချဲ့ခြင်းနှင့် မြေနီကျောက်စရစ်ခင်းခြင်းလုပ်ငန်းကို ရာနှုန်းပြည့် ဆောင်ရွက်ပြီးစီးပြီဖြစ်သည်။

         အဆိုပါ ကျေးရွာချင်းဆက်လမ်းမှာ ပြည်ထောင်စုငွေလုံးငွေရင်း ရန်ပုံငွေကျပ် ၃၈ ဒသမ ၀၈၉ သန်းဖြင့် လမ်းအရှည် တစ်မိုင်၊ အကျယ် ၁၈ ပေနှင့် ထု ၈ လက်မဖြင့် မြေနီကျောက်စရစ်ခင်းကျင်းဆောင်ရွက် ပြီးစီးခဲ့သဖြင့် ကျေးရွာအုပ်စုသုံးစုမှ ကျေးရွာခြောက်ရွာ အိမ်ခြေ ၆၆၄ အိမ်၊ လူဦးရေ ၂၄၃၂ ဦးတို့၏ လူမှုစီးပွားဘဝများ ဖွံ့ဖြိုးတိုးတက်ကာ သွားလာရေး လွယ်ကူအဆင်ပြေမည်ဖြစ်ကြောင်း မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ သိရသည်။

ကျော်ဇေယျဝင်း(ကံမ)