11 Jul,2023

မအူပင်၊ ဇူလိုင် ၁၁

          ဧရာဝတီတိုင်းဒေသကြီး၊ မအူပင်မြို့နယ် ကုန်းတန်းကြီးကျေးရွာ ရတနာတိုးစိုက်/ထွေ သမဝါယမအသင်း၏ ၂၀၂၂-၂၀၂၃ ဘဏ္ဍာနှစ် အရပ်ရပ်ဆိုင်ရာအစည်းအဝေးနှင့် ဒါရိုက်တာအဖွဲ့ ရွေးချယ် တင်မြှောက်ခြင်းကို အဆိုပါကျေးရွာတွင် ကျင်းပပြုလုပ်ခဲ့ပြီး မြို့နယ်သမဝါယမဦးစီးဌာနမှ တာဝန်ရှိသူများ၊ အသင်းဥက္ကဋ္ဌနှင့်တာဝန်ရှိသူများ၊ အသင်းသူအသင်းသားများ တက်ရောက်ခဲ့သည်။

          အစည်းအဝေးတွင် အသင်းသားများအား စုဆောင်းငွေပေါ်အတိုးငွေကျပ် ၈၃၂၈၁၂၊ မိုးစပါးစိုက်ပျိုးစရိတ်ချေးငွေအဖြစ် အသင်းပိုင်ငွေမှ အသင်းသား ၄၉ ဦးအတွက် တစ်ဦးလျှင်ငွေကျပ် ၄၅၀၀၀၀ နှုန်းဖြင့် စုစုပေါင်းငွေကျပ် ၂၂၀၅၀၀၀၀ အား ထုတ်ပေးခဲ့ကြောင်း သိရသည်။