13 Jul,2023

ရပ်စောက်၊ ဇူလိုင် ၁၃

          ရှမ်းပြည်နယ်(တောင်ပိုင်း) ရပ်စောက်မြို့နယ်သမဝါယမအသင်းစုမှ ရောင်ခြည်ဦးစိုက်ပျိုး ရေးနှင့် အထွေထွေစီးပွားရေးလုပ်ငန်းသမဝါယမအသင်းလီမိတက်ရှိ မိုးစပါးစိုက်ပျိုးသည့် တောင်သူ များသို့ သွင်းအားစုများပေးအပ်ခြင်းကို အဆိုပါအသင်း၌ ကျင်းပပြုလုပ်ခဲ့သည်။

 သွင်းအားစုများပေးအပ်ပွဲသို့  ရပ်စောက်မြို့နယ်သမဝါယမဦးစီးဌာနမှ ဦးစီးအရာရှိနှင့် တာဝန်ရှိသူများ၊ မြို့နယ်သမဝါယမအသင်းစုမှဥက္ကဋ္ဌနှင့် အမှုဆောင်များ၊ အသင်းသားတောင်သူ များ  တက်ရောက်ခဲ့ပြီး မိုးစပါးစိုက်ပျိုးသည့် တောင်သူများသို့ ငွေကျပ် ၁၀၂ သိန်းနှင့် ညီမျှသော သွင်းအားစုမြေဩဇာ ၁၁၉ အိတ်နှင့် စွမ်းထက်သဘာဝမြေဩဇာ ၇ အိတ် စုစုပေါင်း ၁၂၆ အိတ်ကို ပေးအပ်ခဲ့ကြောင်း သိရသည်။