ရှေးဦးစွာ ပဲခူးတိုင်းဒေသကြီးကျေးလက်ဒေသဖွံ့ဖြိုးတိုးတက်ရေးဦးစီးဌာန တိုင်းဒေသကြီးဦးစီးမှူးကိုယ်စား ဒုတိယညွှန်ကြားရေးမှူး ဒေါ်ခင်မိုးဝေက သင်တန်းသား သင်တန်းသူများ အနေဖြင့် သင်တန်းမှ ပို့ချပေးမည့် သင်တန်းခန်းစာများကို စဉ်ဆက်မပြတ်လေ့လာသင်ယူရန်နှင့် လက်တွေ့လုပ်ငန်းခွင်တွင် အကျိုးရှိစွာ ပြန်လည် အသုံးချကြစေလိုကြောင်း ဆွေးနွေးပြောကြားသည်။

 

ဆက်လက်၍ တန့်ယန်းခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူးနှင့် တာဝန်ရှိသူများက သင်တန်းသား သင်တန်းသူများထံသို့ သင်တန်းဆင်းလက်မှတ်များ အသီးသီးပေးအပ်ကြပါသည်။

အဆိုပါ  စီမံကိန်းလုပ်ငန်းများစွမ်းဆောင်ရည်မြှင့်တင်ရေးသင်တန်း တိုင်းဒေသကြီးအတွင်းရှိ ခရိုင်၊ မြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနများမှ သင်တန်းသား သင်တန်းသူ ၃၅ ဦးတက်ရောက်ကြပြီး သင်တန်းတွင် မြစိမ်းရောင်ကျေးရွာစီမံကိန်းဘာသာရပ်၊ ကျေးရွာဖွံ့ဖြိုးတိုးတက်ရေး လုပ်ငန်းစီမံကိန်းဘာသာရပ်၊ ခေတ်မီစံပြကျေးရွာထူထောင်ခြင်းစီမံကိန်းဘာသာရပ်၊ ကျေးလက်စီးပွားရန်ပုံငွေမြင့်မားရေးစီမံကိန်းဘာသာရပ်၊ ကျေးလက်ဒေသဖွံ့ဖြိုးတိုးတက်ရေးဥပဒေ၊ နည်းဥပဒေ စသည့် ဘာသာရပ်များကို ၅ ရက်ကြာ စာတွေ့လက်တွေ့ ဖွင့်လှစ်ပို့ချပေးမည်ဖြစ်ကြောင်း သိရသည်။