14 Jun,2023

နေပြည်တော်၊ ဇွန်(၁၄)

              သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၏ ၁၇-၆-၂၀၂၃ ရက်နေ့တွင် ကျရောက် မည့် ဝန်ကြီးဌာန(၂)နှစ်မြောက် နှစ်ပတ်လည်နေ့ အထိမ်းအမှတ်အဖြစ် ပြည်ထောင်စုဝန်ကြီးမှ ချီးမြှင့်သည့် ဆုမဲ(၃၆)မျိုး၊ ပစ္စည်းအရေအတွက် (၈၄)ခုအား (၁၄.၆.၂၀၂၃)ရက်နေ့တွင် အသေးစား စက်မှုလက်မှုလုပ်ငန်းဦးစီးဌာနမှ ဝန်ထမ်းများထံသို့ ဆုမဲဖောက်ပေးခဲ့ပါသည်။

              အဆိုပါ ဆုမဲများထဲတွင် ဆုကြီးများဖြစ်သည့် ရေခဲသေတ္တာ(၁)လုံး၊ TV(၁)လုံးနှင့် လေအေးပေး စက်(၅)လုံးတို့အား ဝန်ထမ်း(၇)ဦးမှ အသီးသီးမဲပေါက်ခဲ့ပြီး ကျန်ရှိသည့် (၇၇)မဲအား ဝန်ထမ်း(၇၇)ဦး မှ အသီးသီးမဲပေါက်ခဲ့ကြကြောင်း သတင်းရရှိပါသည်။