17 May,2023

ကျုံပျော်၊ မေ ၁၇

ဧရာဝတီတိုင်းဒေသကြီး၊ ကျုံပျော်မြို့နယ်အတွင်း ပီလောပီနံစိုက်တောင်သူများအား အသင်း များဖွဲ့စည်းပေးလျက်ရှိရာ အင်းတရော်ကျေးရွာတွင် အသင်းသား ၁၇၀ ဦးဖြင့် မြေဧက ၄၀၀ အကျယ်အဝန်းရှိ ပိုမိုပြည့်စုံပီလောပီနံစိုက်ပျိုးရေးသမဝါယမအသင်းကိုလည်းကောင်း၊ လှည်းဆိပ် ကျေးရွာတွင် အသင်းသား ၂၈ ဦးဖြင့် မြေဧက ၇၈ အကျယ်အဝန်းရှိ ရွှေဥဒေါင်းပီလောပီနံစိုက်ပျိုးရေး သမဝါယမအသင်းတို့ကို ဖွဲ့စည်းခဲ့သည်။

အသင်းသားတောင်သူများအား သွင်းအားစုများကို စိုက်ပျိုးချိန်အမီ ဖြန့်ဖြူးပေးနိုင်ရန်၊ စိုက်ဧကများ တိုးချဲ့စိုက်ပျိုးရန်နှင့် စံချိန်စံညွှန်းပြည့်ဝသည့် ပီလောပီနံအမှုန့်ကြိတ်စက်များ တည်ထောင်နိုင်ရေးအတွက် သမဝါယမကဏ္ဍက ဆောင်ရွက်လျက်ရှိကြောင်း သိရသည်။