25 Apr,2023

ရန်ကုန်တိုင်းဒေသကြီး၊ တိုက်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက၂၀၂၃-၂၀၂၄ ဘဏ္ဍာနှစ်တွင်အကောင်အထည်ဖော်ဆောင်ရွက်မည့် မြစိမ်းရောင်ကျေးရွာစီမံကိန်း၊RBF စီမံကိန်းနှင့်ခေတ်မီစံပြကျေးရွာထူထောင်ရေးစီမံကိန်းအကောင်အထည်ဖော်ဆောင်ရွက်နိုင်ရန်အတွက် စီမံကိန်းကျေးရွာရွေးချယ်ပွဲကို ယနေ့ နံနက်ပိုင်းက တိုက်ကြီးမြို့နယ်အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ ကျင်းပပြုလုပ်ခဲ့ကြောင်းသိရသည်။

ရှေးဦးစွာ တိုက်ကြီးမြို့နယ်စီမံအုပ်ချုပ်ရေးအဖွဲ့ ဥက္ကဌ ဦးအောင်ကျော်စိုးက အမှာစကားပြောကြားသည်။

ဆက်လက်၍ တိုက်ကြီးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်စုသီတာလင်းက ယခုဘဏ္ဍာနှစ်တွင် တိုက်ကြီးမြို့နယ်အတွင်း မြစိမ်းရောင်ကျေးရွာစီမံကိန်းကျေးရွာ နှစ်ရွာ၊RBF စီမံကိန်းကျေးရွာ တစ်ရွာနှင့်ခေတ်မီစံပြကျေးရွာထူထောင်ရေးစီမံကိန်းကျေးရွာ တစ်ရွာကို အကောင်အထည်ဖော် ဆောင်ရွက်ရန်ခွင့်ပြုချက်ရရှိပြီးဖြစ်ကြောင်း၊ စီမံကိန်းကျေးရွာများရွေးချယ်ပေးရာတွင်အမှန် တကယ်ဒေသဖွံ့ဖြိုးရေးလုပ်ငန်းများဆောင်ရွက်ရန်လိုအပ်သည့်ကျေးရွာများကို ဦးစားပေးရွေး ချယ်ပေးစေလိုကြောင်း ရှင်းလင်းပြောကြား သည်။

ထို့နောက်တက်ရောက်လာကြသည့် ဌာနဆိုင်ရာတာဝန်ရှိသူများက မြစိမ်းရောင်ကျေးရွာစီမံကိန်းကျေးရွာ နှစ်ရွာ၊RBF စီမံကိန်းကျေးရွာ တစ် ရွာနှင့် ခေတ်မီစံပြကျေးရွာထူထောင်ရေးစီမံကိန်းကျေးရွာ တစ်ရွာ စုစုပေါင်း ကျေးရွာလေး ရွာကို သတ်မှတ်ထားသည့် ကျေးရွာရွေးချယ်ရေးစည်းမျဉ်း၊စည်းကမ်းများနှင့်အညီ အတည်ပြုရွေးချယ်ပေးခဲ့ကြောင်း သိရသည်။