25 Apr,2023

မြစ်ကြီးနား ဧပြီ ၂၄

        ကချင်ပြည်နယ် မြစ်ကြီးနားမြို့ ကျေးလက်လမ်းဖွံ့ဖြိုးရေးဦးစီးဌာနက ၂၀၂၃-၂၀၂၄ ဘဏ္ဍာနှစ်တွင် ဆောင်ရွက်မည့် ဒေသဖွံ့ဖြိုးရေး လုပ်ငန်းများနှင့်ပတ်သက်၍ လုပ်ငန်းညှိနှိုင်းအစည်းအဝေးကို ယနေ့ နံနက်ပိုင်းက အဆိုပါဦးစီးဌာန အစည်းအဝေးခန်းမ၌ ကျင်းပသည်။

        ရှေးဦးစွာ ကချင်ပြည်နယ် ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးမင်းဆွေ က ၂၀၂၃-၂၀၂၄ ဘဏ္ဍာနှစ်တွင် ဆောင်ရွက်မည့် ကျေးလက်လမ်း၊  တံတားလုပ်ငန်းများ၊ လုပ်ငန်းအစီအမံများ၊ ဝန်ထမ်းရေးရာကိစ္စရပ်များ၊ ရုံးအဆောက်အအုံမြေနေရာများ၊ ပြည်ထောင်စုပြင်ဆင်ထိန်းသိမ်းခြင်းရန်ပုံငွေဖြင့် ဆောင်ရွက်မည့် ပြင်ဆင်ထိန်းသိမ်းခြင်းလုပ်ငန်းများနှင့် ဆက်လက်ဆောင်ရွက် မည့်လုပ်ငန်းစဉ်များကို ဆွေးနွေး ပြောကြားသည်။

       ဆက်လက်၍ ကချင်ပြည်နယ် ကျေးလက်လမ်းဖွံ့ဖြိုးရေးဦးစီးဌာနမှ ဒုတိယညွှန်ကြားရေးမှူး (မြို့ပြ) ဦးဝင်းဦးက ဌာနစိတ်အလိုက် လုပ်ငန်းဆောင်ရွက်နေမှုများ၊ ခရိုင်နှင့် မြို့နယ် ကျေးလက်လမ်းဖွံ့ဖြိုးရေး ဦးစီးဌာနမှတာဝန်ခံများက ၂၀၂၃- ၂၀၂၄ ဘဏ္ဍာနှစ်တွင် ဆောင်ရွက်မည့် လုပ်ငန်းများနှင့် ပတ်သက်၍ ရှင်းလင်းတင်ပြရာ ညွှန်ကြားရေး မှူး (မြို့ပြ)က လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။

မောင်စိုင်