03 Apr,2023

ရွှေတောင်၊ ဧပြီ 3

ပဲခူးတိုင်းဒေသကြီး၊ ရွှေတောင်မြို့နယ်၊ ကြာနီကန်ရပ်ကွက်၊ ရုံးဖြတ်လမ်းရှိ မြို့နယ် သမဝါယမအသင်းစုလီမိတက်ပိုင်ဆီစက်သည် နေကြာနှင့် မြေပဲများကို ကြိတ်ခွဲလျက်ရှိသည်။ ဆီကြိတ်ခွဲမှုအတွက် လိုအပ်သောကုန်ကြမ်းများကို ရွှေတောင်မြို့နယ်အတွင်းနှင့် ပြည်မြို့ရှိ ပွဲရုံများမှ ဝယ်ယူရရှိပြီး ကုန်ချောထုတ်လုပ်မှုအနေဖြင့် တစ်လလျှင် နေကြာဆီပိဿာချိန် ၂၃၄ နှင့် မြေပဲဆီပိဿာချိန် ၅၁၃ ထွက်ရှိသည်။ ထွက်ရှိလာသော နေကြာဆီနှင့် မြေပဲဆီများကို ပဲခူးတိုင်းဒေသကြီးအတွင်းရှိ မြို့နယ်သမဝါယမအသင်းစုများနှင့်ချိတ်ဆက်၍ ဌာနဆိုင်ရာ ဝန်ထမ်းများနှင့် စားသုံးသူပြည်သူများသို့ ဖြန့်ဖြူးရောင်းချပေးလျက်ရှိကြောင်း သိရသည်။