04 May,2022

ရပ်စောက်၊ မေ ၃

ရှမ်းပြည်နယ်(တောင်ပိုင်း) ရပ်စောက်မြို့နယ်ရှိ မြို့မဈေးသမဝါယမအသင်းလီမိတက်မှ အသင်းသားပြည်သူများ၏ စားဝတ်နေရေး၊ ကျန်းမာရေးနှင့် လူမှုရေးကိစ္စများတွင် တစ်ဖက် တစ်လမ်းမှ အထောက်အကူပြုနိုင်ရန် ရည်ရွယ်၍ စုဆောင်းငွေပေါ်အတိုးများ ထုတ်ပေးခြင်းကို မေလ ၁ ရက်နေ့က အဆိုပါအသင်းရုံးခန်း၌ ကျင်းပပြုလုပ်ခဲ့သည်။

ထို့နောက် စုဆောင်းငွေပေါ်အတိုးငွေကျပ် ၁၄၉.၉၉ သိန်းအား အသင်းဒါရိုက်တာအဖွဲ့မှ အသင်းသား ၅၅၉ ဦးသို့ လက်ဝယ်အရောက် ထုတ်ပေးခဲ့သည်။ အသင်းဒါရိုက်တာအဖွဲ့နှင့် ဝန်ထမ်းများစည်းလုံးမှု၊ ကြိုးစားဆောင်ရွက်မှုများကြောင့် အသင်း၏ ငွေစုငွေချေးလုပ်ငန်းများ တိုးတက်အောင်မြင်ပြီး အသင်းသားပြည်သူများ၏ အကျိုးစီးပွားအတွက် ပိုမိုဆောင်ရွက်နိုင်မှာ ဖြစ်ကြောင်း သိရသည်။