10 Feb,2023

ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်ကျေးလက်ဒေသဖွံ့ဖြိုး တိုးတက်ရေးဦးစီးဌာနက ၂၀၂၂-၂၀၂၃ ဘဏ္ဍာရေးနှစ်တွင် ပြည်ထောင်စုရန်ပုံငွေကျပ် ၈၅ ဒဿမ ၁၄သန်းဖြင့် ဖြူးစုကျေးရွာ၌ အရှည် ၀/၇.၄၆မိုင်၊ အကျယ် ၁၀ပေ၊ ထု ၁ပေ ၉လက်မရှိ မြေ+ဂဝံခင်းခြင်း၊ အလျား ၆ပေ၃လက်မ၊ အနံ ၂၀ပေ၊ အမြင့် ၅ပေ၆လက်မရှိ Box Culvert ၁စင်း၊ အလျား ၂၀ပေ၊ အနံ ၁၄ပေ၊ အမြင့် ၉ပေရှိ ကွန်ကရစ်တံတား ၁စင်းလုပ်ငန်းအားလည်းကောင်း၊ တိုင်းဒေသကြီးရန်ပုံငွေဖြင့်  တိုက်ကြီးစုကျေးရွာ၌ အရှည် ၁/၂.၉၆မိုင်၊ အကျယ် ၁၂ပေ၊ ထု ၂ပေ ၉လက်မရှိ မြေ+ဂဝံလမ်းခင်းခြင်းလုပ်ငန်းအား ဇွန်လမှစတင်၍ အကောင်အထည်ဖော်ဆောင်ရွက်ခဲ့ ရာ ရာနှုန်းပြည့် ပြီးစီးပြီဖြစ်ကြောင်း သိရသည်။

အဆိုပါလုပ်ငန်းများ ရာနှုန်းပြည့်ပြီးစီးပြီဖြစ်သဖြင့် ကျောက်တံခါးမြို့နယ် ကျေးရွာ နှစ်ရွာရှိ ကျေးရွာနေပြည်သူများ၏ လယ်ယာထွက်ကုန်များ ဈေးကွက်သို့ လွယ်ကူချောမွေ့စွာ ပို့ဆောင်နိုင်တော့မည်ဖြစ်၍ အဆိုပါကျေးရွာများရှိ အိမ်ခြေ ၅၄၃အိမ်နှင့် လူဦးရေ ၂၇၁၆ဦးတို့၏ ကျေးလက်လယ်ယာထုတ်ကုန် ဧက၁၄၅၀ကို အကျိုးပြုမည်ဖြစ်ကြောင်း  သိရှိရသည်။