20 Jan,2023

ဘိုကလေးမြို့နယ်ကျေးရွာနှစ်ရွာ၌ ဆိုလာစနစ် သုံး စိုက်ပျိုးရေရရှိရေးလုပ်ငန်းပြီးစီးမှုစစ်ဆေး

============================

ဘိုကလေး ဇန်နဝါရီ ၂၀ ရက်

==============

ဧရာဝတီတိုင်းဒေသကြီး၊ဘိုကလေးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ၂၀၂၂-၂၀၂၃ဘဏ္ဍာနှစ်တွင် ဆီထွက်သီးနှံတိုးချဲ့စိုက်ပျိုးနိုင်ရန်ရည်ရွယ်၍ ကွင်းပုန်ကျေးရွာနှင့်ရွှေပြည်သာကျေးရွာ၌ ဆိုလာစနစ်သုံး 

စိုက်ပျိုးရေရရှိရေးလုပ်ငန်းများ ဆောင်ရွက်ပြီးစီးမှုအခြေအနေများကို ယနေ့ နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

ထိုသို့ကွင်းဆင်းစစ်ဆေးရာတွင် ဘိုကလေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခေတ္တမြို့နယ်ဦးစီးမှူး ဦးဇော်လင်းနိုင်နှင့် တာဝန်ရှိသူများက ကျေးရွာရေရရှိရေးကော်မတီဝင်များနှင့်အတူ ကွင်းပုန်း‌ကျေးရွာနှင့်ရွှေပြည်သာကျေးရွာတွင်  ဆီထွက်သီးနှံများစိုက်ပျိုး နိုင်ရန်အတွက် ဆိုလာစနစ်သုံး စိုက်ပျိုးရေရရှိရေးလုပ်ငန်းများ ဆောင်ရွက်ပြီးစီးမှုအခြေအနေများကို ကြည့်ရှုစစ်ဆေးပြီး လုပ်ငန်းများရေရှည်တည်တံ့စေရေးဝိုင်းဝန်းထိန်းသိမ်ဆောင်ရွက်ကြရန်နှင့်လိုအပ်သည်များကို ဆွေးနွေးမှာကြားခဲ့ကြောင်း သိရသည်။

အဆိုပါကွင်းပုန်း‌ကျေးရွာနှင့်ရွှေပြည်သာကျေးရွာတွင် စိုက်ပျိုးရေရရှိရေးအတွက် ဆိုလာရေတင်စနစ်နှင့်ဆက်စပ်ပစ္စည်းများတပ်ဆင်ခြင်းလုပ်ငန်းများကို ၂၀၂၂-၂၀၂၃ဘဏ္ဍာနှစ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနခွင့်ပြုရန်ပုံငွေကျပ် ၁၉၁ ဒသမ ၇၅၃၆ သန်းဖြင့် တင်ဒါအောင်မြင်သည့် Sandi Solar ကုမ္ပဏီက ၂၀၂၂ ခုနှစ်နိုဝင်ဘာလတတိယအပတ်ကစတင်အကောင်အထည်ဖော်ဆောင်ရွက်ခဲ့ရာ ယခုအခါလုပ်ငန်းများရာနှုန်းပြည့်ဆောင်ရွက်ပြီးစီးပြီဖြစ်ကြောင်း သိရသည်။

အဆိုပါ ဆိုလာစနစ်သုံး စိုက်ပျိုးရေရရှိရေးလုပ် ငန်းဆောင်ရွက်နိုင်မှုကြောင့် ကွင်းပုန်း‌ကျေးရွာနှင့်ရွှေပြည်သာကျေးရွာရှိ ကျေးလက်နေပြည် သူတို့၏ စိုက်ပျိုးမြေဧက ၁၀၀ ကျော်ကို အကျိုးပြုမည်ဖြစ်ပြီး ယခင်ကထက်စက်သုံးဆီကုန်ကျစရိတ်များ လျော့နည်းသက်သာနိုင် မှာဖြစ်ကြောင်း ဘိုကလေးမြို့နယ်ကျေးလက် ဒေသဖွံ့ဖြိုးတိုးတက်ရေးဦးစီးဌာန ခေတ္တမြို့နယ်ဦးစီးမှူး ဦးဇော်လင်းနိုင်ထံမှ သိရသည်။

 

ဖြိုးထက်အောင်(ပျော်ဘွယ်)