06 Jan,2023

နမ့်ခမ်း၊ ဒေသဖွံ့ဖြိုးရေး

               ရှမ်းပြည်နယ်(မြောက်ပိုင်း) နမ့်ဆန်မြို့နယ်တွင် ကျေးလက်လမ်းဖွံ့ဖြိုးရေးဦးစီးဌာနက ကွန်လုံ-နောင်ကောင်-နောင်မ-မန့်ဟောင်းလမ်းတွင် ကတ္ကရာခင်းခြင်းလုပ်ငန်း ဆောင်ရွက်နေမှုကို ဇန်နဝါရီ ၅ ရက်တွင် တာဝန်ရှိသူများက ကွင်းဆင်းစစ်ဆေးသည်။

               ထိုသို့ ကွင်းဆင်းစစ်ဆေးရာတွင် နမ့်ခမ်းမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ဦးစီးအရာရှိ(မြို့ပြ) ဦးသိန်းထွန်းဦးနှင့် တာဝန်ရှိသူများက ၂၀၂၂-၂၀၂၃ ဘဏ္ဍာနှစ်တွင် ပြည်နယ် ရန်ပုံငွေကျပ် ၁၉၆ ဒဿမ ၉ သန်းဖြင့် ဆောင်ရွက်သည့် ကွန်လုံ-နောင်ကောင်-နောင်မ-မန့်ဟောင်း လမ်းတွင် ကတ္တရာခင်းခြင်းလုပ်ငန်း ဆောင်ရွက်နေမှုကို စစ်ဆေးကြပြီး လုပ်ငန်းများကို သတ်မှတ်စံချိန် စံညွှန်းပြည့်မီစွာ အချိန်မီ ပြီးစီးအောင် ဆောင်ရွက်ရေး မှာကြားသည်။

               နမ့်ခမ်းမြို့နယ် ကွန်လုံ-နောင်ကောင်-နောင်မ-မန့်ဟောင်းလမ်းတွင် ကတ္တရာခင်းခြင်း လုပ်ငန်းသည် အရှည် ၆ ဒဿမ ၃၂ ဖာလုံ၊ လမ်းအကျယ် ၁၂ ပေ၊ အမြင့် ၁၅ လက်မဖြစ်ပြီး တင်ဒါအောင်မြင်သည့် New Radiance Group ကုမ္ပဏီက ဇူလိုင်လပထမပတ်တွင် စတင်ဆောင်ရွက်ခဲ့ရာ လက်ရှိတွင် ၇၅ ရာခိုင်နှုန်းပြီးစီးနေပြီဖြစ်ကြောင်း သိရသည်။

ကျော်ဇောဦး(မောရှမ်းမြေ)