30 Dec,2022

ဆောင်းဒါး၊ ဒီဇင်ဘာ ၂၉

          ၂၀၂၂ ပညာသင်နှစ် အသက်မွေးဝမ်းကျောင်းပညာအထောက်အကူပြု ရက်ကန်းပုံမှန် သင်တန်းများ ဖြစ်သည့် ချည်မျှင်နှင့်အထည်အလိပ်ဒီပလိုမာ (၁)နှစ်သင်တန်း၊ ချည်မျှင်နှင့် အထည်အလိပ်ကျွမ်းကျင်သူ (၁)နှစ်သင်တန်း၊ လက်ရက်ကန်း(၆)လသင်တန်း(ဒုတိယအကြိမ်)၊ ရိုးရာလွန်းရာကျအချိတ် (၆)လသင်တန်း(ဒုတိယအကြိမ်)တို့၏ ကျောင်းဆင်းပွဲ အခမ်းအနားအား ၂၉.၁၂.၂၀၂၂ ရက်နေ့ မွန်းလွဲ ၁ နာရီအချိန်တွင် ဆောင်းဒါးရက်ကန်းနှင့်အသက်မွေးပညာသိပ္ပံ၏ သင်တန်းခန်းမ၌ ကျင်းပပြုလုပ်ခဲ့ပါသည်။

        အဆိုပါ အခမ်းအနားတွင် ကျောင်းအုပ်ကြီး၏ကိုယ်စား ဒုတိယကျောင်းအုပ်ကြီး (သင်ကြားရေး)က သင်တန်းဆင်း အမှာစကားပြောကြားခဲ့ပြီး သင်တန်းဆင်းလက်မှတ်များအား ကထိက၊ ဌာနမှူးများက သင်တန်းတစ်ခုချင်းအလိုက် ပေးအပ်ချီးမြှင့်ခဲ့ပါသည်။

       ထို့နောက် ကျောင်းဆင်းလက်ရာများအား အကဲဖြတ်ဒိုင်အဖွဲ့၏ အမှတ်ပေးဆုံးဖြတ်ချက်ဖြင့် ဆုများရွေးခဲ့ပြီး ဆုရရှိသည့် ချည်မျှင်နှင့်အထည်အလိပ်ဒီပလိုမာ(၁)နှစ်သင်တန်းမှ အဖွဲ့(၃)နှင့် သင်တန်းတစ်ခုချင်းအလိုက် ကျောင်းဆင်းလက်ရာပြိုင်ပွဲဝင်ဆုများကိုး ပေးအပ်ချီးမြှင့်ခဲ့ကြောင်း သတင်းရရှိပါသည်။