29 Nov,2022

နေပြည်တော် နိုဝင်ဘာ ၂၉ ရက်

                   သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုး တိုးတက်ရေးဦးစီးဌာန၊ ကျေးလက်ရေရရှိရေးဌာနမှ ၂၀၂၂-၂၀၂၃ ဘဏ္ဍာရေးနှစ်အတွင်း ဝန်ထမ်းစွမ်းဆောင်ရည်မြှင့်တင်ရေးသင်တန်းဖြစ်သည့် ကျေးလက်ရေရရှိရေးနည်းပညာ သင်တန်းကို (၃၂) ကြိမ်ဖွင့်လှစ်ရန်လျာထားပါသည်။ ကျေးလက်ရေရရှိရေးနည်း ပညာသင်တန်းအမှတ်စဉ် ၁၉/၂၀၂၂ အနေဖြင့် GIS နည်းပညာသုံး သင်တန်းဖွင့်ပွဲ အခမ်းအနားအား ၂၀၂၂ ခုနှစ်၊ နိုဝင်ဘာလ (၂၉) ရက်နေ့ နံနက် (၉:၃၀) နာရီအချိန်တွင် ကျေးလက်ဒေသဖွံ့ဖြိုး တိုးတက်ရေးဦးစီးဌာန၊ မြောက်လွှတ်ကုန်းသင်တန်းခန်းမ၌ကျင်းပခဲ့ရာ ဒုတိယညွှန်ကြား ရေးမှူးချုပ် ဦးစိုးသန်း မှ အဖွင့်အမှာစကားပြောကြားခဲ့ပြီး ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် တာဝန်ရှိသူများ တက်ရောက်ခဲ့ပါသည်။

အဆိုပါ GIS နည်းပညာသုံးသင်တန်းတွင် ကျေးလက်ဦးစီးဌာန(ရုံးချုပ်)၊ နေပြည်တော်၊ ကရင်၊ ပဲခူး၊ မကွေး၊ မန္တလေး၊ မွန်၊ ရန်ကုန်တိုင်းဒေသကြီးများမှ သင်တန်းသား/သူ (၂၅) ဦးတက်ရောက်လျက်ရှိပြီး သင်တန်း ကာလမှာ (၂၉.၁၁.၂၀၂၂) ရက်နေ့မှ (၂.၁၂.၂၀၂၂) ရက်နေ့အထိ (၄) ရက်ကြာမြင့်မည် ဖြစ်ပါသည်။

ကျေးလက်‌ဒေသဖွံ့ဖြိုးတိုးတက်ရေးဦးစီးဌာန အနေဖြင့် ကျေးရွာများအားလုံး၏ စီမံကိန်းလုပ်ငန်းများအား GIS စနစ်အသုံးပြု၍ စီမံကိန်းမြေပုံများ ထုတ်လုပ်ခြင်း၊ Web Mapping များပြုလုပ်၍ Management Information System (MIS) စနစ်ဖြင့် ဆောင်ရွက်လျှက်ရှိကြောင်းသတင်းရရှိပါသည်။