19 Oct,2022

ပဲခူး၊ အောက်တိုဘာ ၁၆

သမဝါယမကဏ္ဍက ရေထွက်ကုန်ပစ္စည်းများကို စားသုံးသူပြည်သူများ ဈေးနှုန်းချိုသာစွာ ဖြင့် လွယ်လင့်တကူ ဝယ်ယူစားသုံးနိုင်ရေးအတွက် No Profit, No Loss မူဖြင့် ဖြန့်ဖြူးရောင်းချ ပေးလျက်ရှိသည်။ ပဲခူးတိုင်းဒေသကြီးအတွင်းရှိ ပဲခူး၊ တောင်ငူ၊ ကျောက်တံခါး၊ လက်ပံတန်းနှင့် သဲကုန်းမြို့နယ်များရှိ ငါးကုန်ထုတ်သမဝါယမအသင်းများ၏ အသင်းပိုင်ငါးကန်များ၌ ငါးကြင်း၊ ငါးမြစ်ချင်း၊ ငါးမုတ်၊ ငါးတန်နှင့် ငါးခေါင်းပွ ငါးမျိုးများ မွေးမြူထားရှိပြီး ယခုနှစ် ဧပြီလမှ အောက်တိုဘာလအတွင်း ၎င်းငါးကန် များမှ ဖော်ထုတ်ရရှိသည့်  ငါးမျိုးစုံပိဿာချိန် ၃၅၄၁၆၈ ကို စားသုံးသူပြည်သူများ ဝယ်ယူစားသုံးနိုင်စေရန် လက်လီလက်ကား ဖြန့်ဖြူးရောင်းချပေးခဲ့ ကြောင်း သိရသည်။