30 May,2025

တောင်ကြီး မေ ၃၀

ရှမ်းပြည်နယ်အတွင်းရှိ ထုတ်လုပ်မှု၊ ဝန်ဆောင်မှုနှင့် ကုန်သွယ်မှုလုပ်ငန်းများ ဆောင်ရွက် နေသော သမဝါယမအသင်းများ၏ လုပ်ငန်းဆောင်ရွက်မှုများ ဖွံ့ဖြိုးတိုးတက်ရေးအတွက် ပြည်နယ် သမဝါယမဦးစီးဌာန ညွှန်ကြားရေးမှူး၊ ဦးကျော်မိုးတင့်နှင့် တာဝန်ရှိသူများက ကလောမြို့နယ် သမဝါယမဦးစီးဌာနရှိ ဝန်ထမ်းများနှင့်တွေ့ဆုံ၍ သမဝါယမအသင်းဥပဒေ၊ နည်းဥပဒေ၊ လုပ်ထုံး၊ လုပ်နည်း၊ အမိန့်၊ ညွှန်ကြားချက်များနှင့်အညီ လုပ်ငန်းများဆောင်ရွက်ရေး ကွင်းဆင်းမှာကြား ခဲ့သည်။

ဆက်လက်၍ ပြည်နယ်သမဝါယမဦးစီးဌာန ညွှန်ကြားရေးမှူးနှင့် တာဝန်ရှိသူများက ကလောမြို့နယ်ရှိ “ရွှေကလော” အထွေထွေရောင်းဝယ်ရေးသမဝါယမအသင်းလီမိတက်မှ ဖွင့်လှစ် ထားရှိသည့် ဆန်အရောင်းဆိုင်အား ကြည့်ရှု့၍ လိုအပ်သည့် ငွေကြေး၊ အရင်းအနှီးများရရှိစေရေး အတွက် သက်ဆိုင်ရာမြို့နယ်သမဝါယမအသင်းစုနှင့် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။