19 Mar,2025

မော်လမြိုင် မတ် ၁၉

မော်လမြိုင်မြို့၊ သမဝါယမစာရင်းရေးစာရင်းကိုင်သက်မွေးပညာသင်တန်း ကျောင်း၌ အခြေခံစာရင်းကိုင်နှင့်စာရင်းစစ်သင်တန်း(အမှုထမ်း)ဖွင့်ပွဲအခမ်းအနားကို ယမန်နေ့နံနက် ပိုင်းက အဆိုပါသင်တန်းကျောင်း၌ ကျင်းပခဲ့သည်။

အခမ်းအနားသို့ ပြည်နယ်သမဝါယမဦးစီးဌာနမှ ညွှန်ကြားရေးမှူး၊ သင်တန်းကျောင်း ကျောင်းအုပ်ကြီး၊ ပြည်နယ်သမဝါယမအသင်းစုချုပ်ဥက္ကဋ္ဌ၊ မြို့နယ်သမဝါယမအသင်းစုဥက္ကဋ္ဌ၊ နှင့်တာဝန်ရှိသူများ၊ သင်တန်းသား/သူများ တက်ရောက်ခဲ့ပြီး ပြည်နယ်သမဝါယမဦးစီးဌာနမှ ညွှန်ကြားရေးမှူးက အမှာစကားပြောကြားခဲ့သည်။

အဆိုပါသင်တန်းသို့ မွန်ပြည်နယ်နှင့် ကရင်ပြည်နယ်အတွင်းရှိ သမဝါယမဦးစီးဌာနအဆင့် ဆင့်မှ တာဝန်ထမ်းဆောင်နေသော အမှုထမ်းဝန်ထမ်းများတက်ရောက်လျက်ရှိပြီး  လုပ်ငန်းခွင်၌ စွမ်းရည်ပြည့်ဝစွာ ဆောင်ရွက်နိုင်စေရန်အတွက် ရည်ရွယ်၍ ဖွင့်လှစ်သင်ကြားပေးလျက်ရှိရာ သင်တန်းကာလမှာ မတ်လ ၁၇ ရက်မှ  ၃၀ ရက်ထိ ဖြစ်ကြောင်း သိရသည်။

သမဝါယမဦးစီးဌာန