18 Mar,2025

မြောင်းမြ မတ် ၁၆

                  ဧရာဝတီတိုင်းဒေသကြီး မြောင်းမြမြို့၌ ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ တာဝန်ရှိသူများက ကျေးလက်လမ်း၊တံတားများ အကောင်အထည်ဖော် ဆောင်ရွက်နေမှုကို ယမန်နေ့က ကွင်းဆင်းစစ်ဆေးသည်။

                  ထိုသို့ ကွင်းဆင်းစစ်ဆေးရာတွင် ကျေးလက်လမ်းဖွံ့ဖြိုးရေးဦးစီးဌာန (ရုံးချုပ်)မှ အင်ဂျင်နီယာချုပ်(မြို့ပြ) ဦးကျော်ကျော်ထွေးနှင့်တာဝန်ရှိသူများက မြောင်းမြမြို့နယ်၌ ၂၀၂၄-၂၀၂၅ ဘဏ္ဍာနှစ် တိုင်းဒေသကြီးငွေလုံးငွေရင်းရန်ပုံငွေဖြင့် ဆောင်ရွက်လျက်ရှိသည့် ပဆင်-မဒေါ့ပင်ကျေးရွာချင်းဆက် ကွန်ကရစ်လမ်းခင်းခြင်းလုပ်ငန်း၊ ဝါးခယ်မမြို့နယ် ပဆင-ကြခက်ကုန်း-ကျောင်းစုကလလမ်းပေါ်ရှိ ကျေးရွာချင်းဆက် ကွန်ကရစ်တံတား ပေ ၆၀ တည်ဆောက်ခြင်း (ပထမပိုင်း)လုပ်ငန်းများကို ကွင်းဆင်းစစ်ဆေးရာ မြောင်းမြခရိုင်/ မြို့နယ်တာဝန်ခံအင်ဂျင်နီယာများ၊ လမ်းအရည်အသွေးထိန်းသိမ်းရေးအဖွဲ့မှ တာဝန်ရှိသူများက ရှင်းလင်းတင်ပြပြီး အင်ဂျင်နီယာချုပ်(မြို့ပြ)က လိုအပ်သည်များ မှာကြားခဲ့ကြောင်းသိရသည်။

ဇေယျာ(မြောင်းမြ)