26 Feb,2025

တာချီလိတ် ဖေဖော်ဝါရီ ၂၅

            ရှမ်းပြည်နယ် (အရှေ့ပိုင်း) တာချီလိတ်မြို့၌ ဒေသဖွံ့ဖြိုးရေး လမ်း၊ တံတားလုပ်ငန်းများကို ကျေးလက်လမ်းဖွံ့ဖြိုးရေးဦးစီးဌာနမှ တာဝန်ရှိသူများက ယမန် နေ့တွင် ကွင်းဆင်းစစ်ဆေးခဲ့ကြောင်း သိရသည်။

            ဦးစွာ ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ် ဦးဝင်းကျော်မျိုး၊ ရှမ်းပြည်နယ်(အရှေ့ပိုင်း) ညွှန်ကြားရေးမှူး(မြို့ပြ) ဦးကျော်ဇေယျံလင်းနှင့် စီမံကိန်းစစ်ဆေးရေးနှင့် အရည်အသွေးထိန်းသိမ်းရေးဌာနခွဲမှ လက်ထောက်ညွှန်ကြားရေးမှူး(မြို့ပြ) ဦးမောင်မောင်မိုးဝင်းတို့သည် အရှည် ငါးမိုင်ရှိ တာချီလိတ် - မိုင်းဆတ်လမ်း (ဆန်ဆိုင်းမြို့ပတ်လမ်း)အား မြေသားလမ်းမှ ကွန်ကရစ်လမ်းအဆင့်မြှင့်တင်နိုင်ရေး ကွင်းဆင်း ကြည့်ရှုစစ်ဆေးသည်။

       ထို့နောက် ရာဂီမုန်တိုင်းဒဏ်ကြောင့် ပြိုကျပျက်စီးခဲ့သည့် လွယ်တော်ခမ်းကျေးရွာအုပ်စုရှိ မယ်ဆိုင်ချောင်းကူးတံတားအား အရှည်ပေ ၈၀ ရှိ သံပေါင်ဘေလီ တံတားဖြင့် ပြန်လည်တည်ဆောက်ပြီးစီးမှုနှင့် ဆက်လက်ဆောင်ရွက်မည့် အစီအစဉ်ကို ကြည့်ရှုစစ်ဆေးရာ တာချီလိတ်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးဝင်းနိုင်နှင့် တာဝန်ရှိသူများက တင်ပြခဲ့ကြောင်း သိရသည်။

သန်းဇော်(တာချီလိတ်)