26 Feb,2025

တောင်တွင်းကြီး ဖေဖော်ဝါရီ ၂၆

မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၌ သမဝါယမလုပ်ငန်းများ ဖွံ့ဖြိုးတိုးတက်ရေးအတွက် တိုင်းဒေသကြီးသမဝါယမဉီးစီးဌာနမှ ဒုတိယညွှန်ကြားရေးမှူး ဒေါ်မိမိတာရီထွန်းနှင့် ဌာနမှတာဝန်ရှိသူများ၊ အမှုဆောင်များက ဖေဖော်ဝါရီ ၂၄ ရက်နေ့တွင် ပြည့်ဖြိုးအောင်ရောင်းဝယ်ရေးသမဝါယမအသင်းမှ အသင်းသားများ လုပ်ကိုင်ဆောင်ရွက်လျက် ရှိသည့် ပဲကြော်၊ ပဲလှော်လုပ်ငန်းများအား ကွင်းဆင်းကြည့်ရှုခဲ့သည်။

ဆက်လက်၍ သဲကျွန်းကျေးရွာ၊ ရေပြည့်ကျေးရွာ၊ ကြည်လျှာကျေးရွာနှင့် ညောင်ရွာ ကျေးရွာများရှိ သမဝါယမအသင်းများမှ အမှုဆောင်များနှင့် အသင်းသားများအား တွေ့ဆုံ ပြီး  ရုရှားသဘာဝရွက်ဖြန်းဆေး ပက်ဖျန်းခြင်းဖြင့် မြေအကျိုးပြုပုံများ၊ သမဝါယမစာရင်းရေး စာရင်းကိုင်သက်မွေးပညာသင်တန်းကျောင်းများတွင် တက်ရောက်ရန် လိုအပ်သည့် အချက်အလက် များနှင့်ပတ်သက်၍ အသိပညာပေးဆွေးနွေးခဲ့ကြောင်း သိရသည်။