26 Feb,2025

ကျောက်တန်း ဖေဖော်ဝါရီ ၂၅

            သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာနမှ သန်လျင်ခရိုင် ကျောက်တန်းမြို့နယ်၌ အကောင်အထည်ဖော် ဆောင်ရွက်နေသော ကျေးရွာချင်းဆက်လမ်း ကွန်ကရစ်ခင်းခြင်း လုပ်ငန်းများ ဆောင်ရွက်ပြီးစီးမှုကို ဖေဖော်ဝါရီ ၂၄ ရက်က ကွင်းဆင်းစစ်ဆေးသည်။

         အဆိုပါ စစ်ဆေးခြင်းကို ခရိုင်ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဒေါ်အေးမြတ်မွန်နှင့် တာဝန်ရှိသူများက ကျောက်တန်းမြို့နယ်အတွင်းရှိ ကျေးလက်လမ်းဖွံ့ဖြိုးရေးဦးစီးဌာနက အကောင်အထည်ဖော် ဆောင်ရွက်နေသော တူးမြောင်း-အောင်ချမ်းသာနှင့် စိုက်ပျိုးရေးနှင့် အသက်မွေးမှုသင်တန်းကျောင်းအား ဆက်သွယ်ထားသောလမ်းကို မြေသားလမ်းခင်းခြင်းနှင့် ပုတ္တလုတ်မရမ်းဘေးကျေးရွာချင်းဆက်လမ်း ကွန်ကရစ်ခင်းခြင်းလုပ်ငန်း ဆောင်ရွက်ပြီးစီးမှု အခြေအနေကို ကွင်းဆင်းစစ်ဆေးခဲ့ကြောင်း သိရသည်။

သန့်ဇင်ထွန်း(ကျောက်တန်း)