18 Feb,2025

ဘုတ်ပြင်း ဖေဖော်ဝါရီ ၁၇

        တနင်္သာရီတိုင်းဒေသကြီး ဘုတ်ပြင်းမြို့နယ် အုန်းတောကမ်းကျေးရွာအုပ်စုရှိ လိပ်ဥချောင်း-ထောင်ဖီး-ဘလက်တောလမ်း ကျောက်ချောလမ်းခင်းခြင်းလုပ်ငန်းကို ကော့သောင်းခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးသူရိန်ထွန်း၊ ဘုတ်ပြင်းမြို့နယ် ကျေးလက်လမ်းဖွံ့ဖြိုးရေးဦးစီးဌာန ဦးစီးအရာရှိ(မြို့ပြ) ဦးအောင်ကိုကိုနှင့် တာဝန်ရှိသူများက ယမန်နေ့က ကွင်းဆင်း ကြည့်ရှုစစ်ဆေးသည်။

           အဆိုပါ လိပ်ဥချောင်း- ထောင်ဖီး - ဘလက်တောလမ်း (၅/၀)မိုင်ရှိသည့်အနက်မှ (၁/၀-၁/၅)ကြား ကျောက်ချောလမ်းခင်းခြင်းကို ၂၀၂၄- ၂ဝ၂၅ ဘဏ္ဍာနှစ် တိုင်းဒေသကြီး ငွေလုံးငွေရင်းရန်ပုံငွေ ကျပ် ၁၁၃ ဒသမ ၉၂၅ သန်းဖြင့် အရှည် (၀/၅) မိုင်၊ အကျယ် ၁၂ ပေ၊ ဒု ခြောက်လက်မ ကျောက်ချောလမ်းခင်းခြင်း၊ ဒု သုံးလက်မ အပွန်းခံလွှာခင်းခြင်း၊ အမာခံ လမ်းပခုံး ခင်းခြင်းလုပ်ငန်းကို လုပ်ငန်းတင်ဒါစနစ်ဖြင့် တင်ဒါအောင်မြင်သည့် ကုမ္ပဏီက တာဝန်ယူဆောင်ရွက်လျက်ရှိပြီး လုပ်ငန်း ဆောင်ရွက်မှု ၈၅ ရာခိုင်နှုန်းပြီးစီးနေပြီးဖြစ်ကြောင်း သိရသည်။

မြို့နယ်(ပြန်/ဆက်)