14 Feb,2025

နေပြည်တော် ဖေဖော်ဝါရီ ၁၄

သမဝါယမကဏ္ဍမှ ဝါသီးနှံပိုမိုတိုးချဲ့ပြီး အထွက်နှုန်းကောင်းသည့် ဝါမျိုးကောင်းမျိုးသန့်များ စိုက်ပျိုးထုတ်လုပ်နိုင်ရေး၊ ပြည်တွင်း၌ လိုအပ်သော မျိုးစေ့များအတွက် မျိုးစေ့ထုတ်ခြင်းလုပ်ငန်းများ ဆောင်ရွက်ခြင်း၊ ပြည်သူများ၏ဝတ်ဆင်ရေး အဆင်ပြေချောမွေ့လာနိုင်ရေးတို့အတွက် သမဝါယမဦးစီး ဌာန၏ကြီးကြပ်မှုဖြင့် TBL ကုမ္ပဏီလီမိတက်နှင့်ပူးပေါင်း၍ ပြည်ထောင်စုနယ်မြေရှိ ဇေယျာသီရိမြို့နယ်၊ စက်စက်ယိုကျေးရွာ၊ အေလာမြို့နှင့် ဂုံမင်းကွင်းကျေးရွာတို့တွင် ဝါမျိုးစေ့ထုတ်လုပ်ခြင်းလုပ်ငန်းများ ဆောင်ရွက်လျက်ရှိရာ နေပြည်တော်၊ ဇေယျာသီရိမြို့နယ်တွင် ဝါ F1 မျိုးစေ့ထုတ်လုပ်ရန် စိုက်ပျိုး ထားရှိသော ဝါ ၃.၅ ဧကမှာ ဝတ်မှုန်များ ကူးလျက်ရှိပြီး ဝါတစ်ဧကမှာ ဝါပေါက်များ စတင် ပေါက်လျက်ရှိသည်။ ပုဗ္ဗသီရိမြို့နယ် စက်စက်ယိုကျေးရွာတွင်လည်း အမလိုင်း (GMS) ဝါမိဘလိုင်း မျိုးပွားနေသည့် စိုက်ခင်းများမှ ပိဿာချိန် ၆၀၀ ခန့် ရရှိနေပြီဖြစ်ပြီး ဝတ်မှုန်ကူးခြင်းလုပ်ငန်း များကိုလည်း လုပ်ဆောင်လျက်ရှိပြီး ဂုံမင်းကွင်းကျေးရွာတွင်လည်း Contract စနစ်ဖြင့် ဝါ F1 မျိုးစေ့ထုတ်လုပ်ရန် ၁.၄ ဧက စိုက်ပျိုးထားသော ဝါပင်များမှ ပိဿာချိန် ၂၅၀ ဝန်းကျင်ခန့် ရရှိနေပြီဖြစ်ပြီး ဝတ်မှုန်ကူးခြင်းလုပ်ငန်းများကို လုပ်ဆောင်လျက်ရှိသည်။ ထို့ပြင် လယ်ဝေးမြို့နယ် အေလာမြို့တွင် ဝါအဖိုလိုင်းမျိုးပွားရန် စိုက်ပျိုးထားသည့် ဝါပင်များမှ ဝါပေါက်များကို ရိတ်သိမ်း လျက်ရှိရာ ပိဿာချိန် ၂၅၀ ဝန်းကျင်ခန့် ရရှိနေဖြစ်ကြောင်းနှင့် ဝါမျိုးစေ့များကို ဝါစိုက်တောင်သူများသို့ အချိန်မီဖြန့်ဖြူး ပေးနိုင်ရေး ဆောင်ရွက်သွားမည်ဖြစ်ကြောင်း သိရသည်။