10 Feb,2025

ပုသိမ်ကြီး ဖေဖော်ဝါရီ ၈

            မန္တလေးတိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး (မြို့ပြ) ဦးကျော်ဇေယျာဝင်းသည် ယမန်နေ့ နံနက်ပိုင်းက အမရပူရခရိုင် လက်ထောက်ညွှန်ကြားရေးမှူး(မြို့ပြ) ဦးရဲလွင်နှင့် ပုသိမ်ကြီးမြို့နယ် ဦးစီးအရာရှိ(မြို့ပြ) ဒေါ်မိုးခိုင်တို့နှင့်အတူ ပုသိမ်ကြီးမြို့နယ် အုန်းချော- ဆည်တော်- ဂိုက်တန်း လမ်းပေါ်ရှိ ကွန်ကရစ်တံတားတစ်စင်း တည်ဆောက်ပြီးစီးမှုအပေါ် ကွင်းဆင်းစစ်ဆေးခဲ့ကြောင်း သိရသည်။

            ယခင် အုန်းချော- ဆည်တော်- ဂိုက်တန်းလမ်းပေါ်ရှိ ကွန်ကရစ် တံတားသည် အရှည် ပေ ၄၀ ဖြစ်ရာ မိုးသည်းထန်စွာရွာသွန်းပြီး တောင်ကျရေတိုက်စားမှုကြောင့် ကမ်းကပ်ခုံနှစ်ဖက် ကျိုးကျပျက်စီးသွားခဲ့သဖြင့် ကျေးလက်နေပြည်သူများ အဆင်ပြေချောမွေ့စွာ သွားလာနိုင်ရေးအတွက် ကျေးလက်လမ်းဖွံ့ဖြိုးရေး ဦးစီးဌာန ၂၀၂၄ -၂၀၂၅ ဘဏ္ဍာနှစ် ပြည်ထောင်စု(မူလ) ရန်ပုံငွေကျပ် ၂၆၄ သန်းဖြင့် အရှည် ၁၈ ဒသမ ၂၉ မီတာရှိ ကွန်ကရစ်တံတားတစ်စင်းအား ပြန်လည် အကောင်အထည်ဖော် တည်ဆောက်ပေးခဲ့ခြင်းဖြစ်ကြောင်း သိရသည်။

မြို့နယ်(ပြန်/ဆက်)