03 Feb,2025

ကော့မှူး ဖေဖော်ဝါရီ ၂

    ၂၀၂၄-၂၀၂၅ ဘဏ္ဍာနှစ် တိုင်းဒေသကြီး (ငွေလုံး ငွေရင်း) ရန်ပုံငွေဖြင့် ရန်ကုန်တိုင်းဒေသကြီး ကော့မှူးမြို့နယ် ကျေးလက်လမ်းဖွံ့ဖြိုးရေးဦးစီးဌာနက ဒေသခံပြည်သူများ လမ်းပန်းဆက်သွယ်ရေးအဆင်ပြေချောမွေ့စေပြီးထွက်ကုန်များ အချိန်နှင့်တစ်ပြေးညီ ဈေးကွက် သို့ရောက်ရှိစေရေးနှင့် ကျေးလက်လမ်းတံတားများ ဖွံ့ဖြိုးတိုးတက်ပြီး ကျေးလက်နေပြည်သူများ၏ လူမှုစီးပွားဖွံ့ဖြိုးတိုးတက်စေရန် ရည်ရွယ်၍ ဌာနမှတာဝန်ယူဆောင်ရွက်လျက်ရှိသည့် ထမ္မနိုင်-ကျွဲလူးအိုင်တံတား ပေ ၆၀ တည်ဆောက်ခြင်းလုပ်ငန်းကို ယနေ့နံနက် တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးမင်း နှင့်တာဝန်ရှိသူများက ကွင်းဆင်းကြည့်ရှု စစ်ဆေးသည်။

   ထိုသို့ စစ်ဆေးရာ မြို့နယ်တာဝန်ခံအင်ဂျင်နီယာ ဒေါ်အေးအေးခိုင်က လုပ်ငန်းဆောင်ရွက်ပြီးစီးမှုနှင့် တံတားတည်ဆောက်နေမှုမှာ ၁၀၀ ရာခိုင်နှုန်းပြီးစီးနေပြီဖြစ်ကြောင်း ရှင်းလင်းပြောကြားသည်။

ကျော်သူရ(ကော့မှူး)