28 Jan,2025

ဖြူး ၊ ဇန်နဝါရီ ၂၇

ပဲခူးတိုင်းဒေသကြီး၊ ဖြူးမြို့နယ်တွင် ၂၀၂၄-၂၀၂၅ ဘဏ္ဍာနှစ်အတွက် သမဝါယမကဏ္ဍမှ နွေစပါး ၁၂၅ ဧကအား လူငယ့်အားမာန်စိုက်ပျိုးရေးနှင့်လုပ်ငန်းစုံသမဝါယမအသင်းလီမိတက်က YSR-1 စပါးမျိုး ၁၀ ဧက၊ GW-11 စပါးမျိုး ၅၀ ဧကနှင့် ထိုင်းနှံကောက်စပါးမျိုး ၆၅ ဧက စိုက်ပျိုးသွားမည်ဖြစ်ရာ ယခုအခါ YSR-1 စပါးမျိုး ၁၀ ဧကအား စိုက်ပျိုးပြီး ဖြစ်သည်။

ထို့ပြင် ဆီထွက်သီးနှံနေကြာအား သမဝါယမအသင်း ၆ သင်း၊ အသင်းသား ၃၃ ဦး၏ စိုက်ဧက ၃၀၀ အကောင်အထည်ဖော် ဆောင်ရွက်လျက်ရှိရာ အသင်းအနေဖြင့် နေကြာစံပြစိုက်ခင်း ၂၀ ဧက စိုက်ပျိုးခဲ့ပြီး အဆိုပါနေကြာ စိုက်ခင်းအတွက် လိုအပ်သည့် ရှရှားသဘာဝမြေဩဇာများ ပက်ဖျန်းခြင်းနှင့် ဘောင်လုံး၊ ပေါင်းရှင်းခြင်းများဆောင်ရွက် ထားရှိကြောင်း သိရသည်။