23 Jan,2025

ရန်ကုန် ဇန်နဝါရီ ၂

            ရန်ကုန်တိုင်းဒေသကြီး သုံးခွမြို့နယ် သရောတောကျေးရွာတွင် တိုင်းဒေသကြီး ခွင့်ပြုရန်ပုံငွေ ကျပ် ၁၇၈ ဒသမ ၇၇ဝ သန်းဖြင့် တင်ဒါအောင် Myanmar Golden Star Development L.,td က လက်ပန်-နန်းခလဲ-စစ်ကိုင်းစုနှင့် သရောတောကျေးရွာ ဆက်သွယ်သည့်လမ်းအား တာဝန်ယူဆောင် ရွက်လျက်ရှိသည်။ အဆိုပါလမ်းအား အကျယ် ၂၂ ပေ ရရှိအောင် မြေသားခင်းလမ်းလုပ်ငန်း ဆောင်ရွက်ပြုပြင်ပြီး ဂဝံလမ်းခင်းခြင်းလုပ်ငန်း ဆောင်ရွက်နေမှု လုပ်ငန်းခွင်သို့ သုံးခွမြို့နယ် ကျေးလက်လမ်းဖွံ့ဖြိုးရေးဦးစီးဌာန ဦးစီးအရာရှိ(မြို့ပြ) ဒေါ်အေးအေးမွန်နှင့် အဖွဲ့က ယနေ့နံနက်၁၁နာရီတွင် ကွင်းဆင်းကြည့်ရှုစစ်ဆေးသည်။

            အဆိုပါ ကျေးရွာကုန်ထုတ်လမ်းပြီးစီးသွားပါက လမ်းပန်းဆက်သွယ်ရေးကောင်းမွန်ပြီး သွားလာရေးအဆင်ပြေကာ သရောတောကျေးရွာမှ အိမ်ခြေ ၃၇၆ အိမ်၊ လူဦးရေ ၁၄၅၀ တို့၏ ဧက ၃၁၂၂ မှ လယ်ယာထွက်ကုန် ပစ္စည်းများကို ဈေးကွက်အတွင်းသို့ အချိန်နှင့်တစ်ပြေးညီ တင်ပို့ ရောင်းချနိုင်မည်ဖြစ်ကြောင်း သိရသည်။

ကိုကျော်(သုံးခွ)