17 Jan,2025

မကွေး ဇန်နဝါရီ ၁၇

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သမဝါယမဦးစီးဌာန၊ သမဝါယမစာရင်းရေး စာရင်းကိုင်သက်မွေးပညာသင်တန်းကျောင်း(မကွေး)ရှိ ၂၀၂၄-၂၀၂၅ ပညာသင်နှစ်၊ အောင်လက်မှတ်ရ သင်တန်းသားများအား အလုပ်အကိုင်အခွင့်အလမ်းရရှိရေး မိတ်ဆက်ဟောပြောပွဲအခမ်းအနားကို ဇန်နဝါရီ ၁၅ ရက်က အဆိုပါသင်တန်းကျောင်းရှိ သီရိရတနာခန်းမတွင်  ကျင်းပသည်။

ရှေးဦးစွာ မကွေးတိုင်းဒေသကြီး အလုပ်သမားညွှန်ကြားမှုဦးစီးဌာန ညွှန်ကြားရေးမှူး ဒေါ်မိုးသီတာစိုးက အလုပ်အကိုင်အခွင့်အလမ်းရရှိစေရေးဆိုင်ရာ ကိစ္စရပ်များကိုလည်းကောင်း၊ ကျောင်းအုပ်ကြီး ဒေါ်စန္ဒာထွန်းက သင်ကြားမှုနှင့် တတ်မြောက်မှုအခြေအနေကိုလည်းကောင်း ရှင်းလင်း ပြောကြားခဲ့သည်။

ထို့နောက် သင်တန်းသား(၁)ဦးမှ သင်ကြားတတ်မြောက်မှုအခြေအနေအပေါ် ရှင်းလင်းဆွေးနွေး ခဲ့ပြီး ကုမ္ပဏီများ၊ စီးပွားရေးလုပ်ငန်းရှင်များနှင့် သမဝါယမအသင်းများက အလုပ်အကိုင်ရရှိရေး ဆောင်ရွက်ပေးသွားမည့်ကိစ္စရပ်များကို ဆွေးနွေးပြောကြားခဲ့ကြောင်း သိရသည်။

 

အောင်ကို (ဖန်ခါးမြေ)

မကွေးတိုင်းဒေသကြီး