16 Jan,2025

လွိုင်လင် ဇန်နဝါရီ ၁၅

            သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန လွိုင်လင်မြို့နယ်ကျေးလက်လမ်းဖွံ့ဖြိုးရေးဦးစီးဌာန ရန်ပုံငွေဖြင့် ဆောင်ရွက်သည့် လွိုင်လင်- လွိုင်မုံမိုင်းလမ်း မြေသားလမ်းမှ ကတ္တရာခင်းခြင်းလုပ်ငန်း ဆောင်ရွက်နေမှုကို တာဝန်ရှိသူများ ယမန်နေ့က ကွင်းဆင်းစစ်ဆေးသည်။

            ထိုသို့ ကွင်းဆင်းစစ်ဆေးရာတွင် လက်ထောက်ညွှန်ကြားရေးမှူး(မြို့ပြ) ဦးဇော်သက်နိုင်၊ ဦးစီးအရာရှိ (မြို့ပြ) ဒေါ်နွေးတင့်လှိုင်နှင့် ကျေးလက်လမ်းဖွံ့ဖြိုးရေး ဦးစီးဌာနမှ အရည်အသွေးထိန်းသိမ်းရေးအဖွဲ့များက ကွင်းဆင်းစစ်ဆေးရာ တင်ဒါအောင်မြင်ခဲ့သည့် ကုမ္ပဏီမှ တာဝန်ရှိသူများက ရှင်းလင်းပြသသည်။

            အဆိုပါ လွိုင်လင် - လွိုင်မုံမိုင်းလမ်း မြေသားလမ်းမှ ကတ္တရာခင်းခြင်းလုပ်ငန်းကို ပြည်နယ်ငွေလုံးငွေရင်း(မူလ) ရန်ပုံငွေဖြင့် ဆောင်ရွက်နေကြောင်း သိရသည်။

လွိုင်လင်မိုး