15 Aug,2024

ငဖဲမြို့နယ် သာယာကုန်း  ကျေးရွာ၌ VRFP စီမံကိန်းရန်ပုံငွေများ ပဉ္စမအကြိမ် ထုတ်ချေး

ငဖဲ ဩဂုတ် ၁၅

          မကွေးတိုင်းဒေသကြီး မင်းဘူးခရိုင် ငဖဲမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက  ကျေးရွာမတည်ရန်ပုံငွေစီမံကိန်း (VRFP) ရန်ပုံငွေ များ ပဉ္စမအကြိမ် ထုတ်ချေးခြင်းကို ဩဂုတ်လ ၁၄ ရက်နေ့ နံနက်ပိုင်း က သာယာကုန်း ကျေးရွာ အုပ်စု ၊ သာယာကုန်း ကျေးရွာ၌ ပြုလုပ်ခဲ့ကြောင်း သိရသည်။

          ရှေးဦးစွာ ငဖဲမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဒုတိယဦးစီးမှူး ဒေါ်ဇင်မာနွယ် က ကျေးရွာမတည်ရန်ပုံငွေစီမံကိန်းဖြင့်ကုန်းသာ ကျေးရွာရှိ လုပ်ကွက်ငယ်တောင်သူများ ၊စိုက်ပျိုးမွေးမြူထုတ်လုပ်သူများနှင့် အသေးစားစီးပွားရေးလုပ်ငန်းလုပ်ကိုင်လိုသူများ လိုအပ်သည့် ငွေကြေးအရင်းအနှီးရရှိစေရန် ရည်ရွယ်၍ ထုတ်ချေးပေးရခြင်းဖြစ်ကြောင်း ရှင်းလင်းပြောကြားသည်။

          ဆက်လက်၍ စီမံကိန်းတာဝန်ခံနှင့် ဝန်ထမ်းများက အတိုးနှုန်းနှင့် ကာလသတ်မှတ်ချက်များ၊ ချေးငွေထုတ်ချေးရာတွင် လိုက်နာရမည့် စည်းကမ်းသတ်မှတ်ချက်များ၊ကျေလက်ဥပဒေ၊နည်းဥဒေများကို ရှင်းလင်းဆွေးနွေးခဲ့ပြီး ဒုတိယဦးစီးမှူး ဒေါ်ဇင်မာနွယ် က ကျေးရွာမတည်ရန်ပုံငွေစီမံကိန်း လုပ်ငန်းအဖွဲ့ဝင်များထံရန်ပုံငွေများ လွှဲပြောင်း ပေးအပ်ခဲ့သည်။

          ထို့နောက် ကျေးရွာမတည်ရန်ပုံငွေစီမံကိန်း လုပ်ငန်းအဖွဲ့ဝင်များက သာယာကုန်း ကျေးရွာတွင် စိုက်ပျိုးရေးလုပ်ငန်းလုပ်ကိုင်သူ ၁၂၂ ဦးထံသို့ ရန်ပုံငွေ  ၃၅၃ သိန်း၊ မွေးမြူရေးလုပ်ငန်းလုပ်ကိုင်သူ ၁  ဦးထံသို့ ရန်ပုံငွေ ၂ သိန်း ၊ အရောင်းအဝယ်လုပ်ငန်းလုပ်ကိုင်သူ  ၅ ဦးထံသို့ ရန်ပုံငွေ ‌ ၁၆ သိန်း၊ စုစုပေါင်း အသင်းသူ/သား ၁၂၈  ဦးထံသို့ ရန်ပုံငွေ ၃၇၁ သိန်း ကို တစ်ဦးချင်း ထုတ်ချေးပေးခဲ့ကြောင်းငဖဲ မြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ဒုတိယဦးစီးမှူး ဒေါ်ဇင်မာနွယ် ထံမှ သိရသည်။