06 Jun,2024

တွံတေး  ဇွန် ၅

          ရန်ကုန်တိုင်းဒေသကြီး တွံတေးမြို့နယ်တွင် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာနမှ ကင်းရွာ-ခရမ်းကြီး- ခရမ်းဝ-ရေတွင်းကုန်း-ကွင်းပေါက်ကျေးရွာ အနောက်ချောင်းစပ်မှ ရွှေမယင်းဒေသ(ကကယာ-၂) သို့ ဆက်သွယ်ထားသော ချောင်းရိုးဘေး တာပေါင်ပေါ်ရှိ တံတား လေးစင်း တည်ဆောက်နေကြောင်း သိရသည်။

            တွံတေးမြို့နယ်တွင် ၂၀၂၄- ၂၀၂၅ ဘဏ္ဍာနှစ်တွင် ကွင်းပေါက်ကျေးရွာ အနောက်ချောင်းစပ်မှ ရွှေမယင်းဒေသ (ကကယာ-၂)သို့ ဆက်သွယ်ထားသော ချောင်းရိုးဘေးတာပေါင်ပေါ်ရှိ တံတား လေးစင်း တည်ဆောက်နေရာတွင် Y မြောင်းမကြီးတံတား အရှည် ၇၁ ပေ၊ အကျယ် ၁၂ ပေ၊ အဘေ စက်တံတားအရှည် ပေ ၆၀၊ အကျယ် ၁၂ ပေ၊ ကုဋေတစ်သန်း တံတားအရှည် ပေ ၁၀၀ ၊ အကျယ် ၁၂ ပေ၊ ကကယာတံတားအရှည် ပေ ၆၀၊ အကျယ် ၁၂ ပေ စသည့် ကင်းရွာ-ခရမ်းကြီး-ခရမ်းဝ- ရေတွင်းကုန်း- ကွင်းပေါက် ချောင်းစပ်မှ ရွှေမယင်းဒေသ (ကကယာ-၂) ကွန်ကရစ် ကုန်ထုတ်လမ်းတွင် အရေးပါသော တံတားလေးစင်းကို သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ တာဝန်ယူ တည်ဆောက်လျက်ရှိရာ ယခုဆိုလျှင် ၃၅ ရာခိုင်နှုန်း ပြီးစီးနေပြီဖြစ်ကြောင်း သိရသည်။

လွယ်ကူစွာသွားလာနိုင်

            အဆိုပါ တံတားလေးစင်း ပြီးစီးသွားပါက ကျေးလက်နေပြည်သူများ၏ ပညာရေး၊ ကျန်းမာရေး၊ လူမှုရေး ကိစ္စရပ်များအတွက် ကျေးလက်လမ်း ကွန်ရက်များ အသုံးပြု၍ လွယ်ကူစွာသွားလာ နိုင်တော့မည်ဖြစ်ကြောင်း သိရသည်။

မျိုးလှိုင်(တွံတေး)