16 May,2024

တောင်ကြီး မေ ၁၆

          ရှမ်းပြည်နယ်(တောင်ပိုင်း)၊ တောင်ကြီးမြို့နယ်၊ မိုင်းသော်အရှေ့ကျေးရွာအုပ်စု၊ ဘုရားငါးဆူ ကျေးရွာရှိ ချယ်ရီမြေစိုက်ပျိုးရေးနှင့်အထွေထွေစီးပွားရေးလုပ်ငန်းသမဝါယမအသင်းသားပိုင် လယ်မြေများတွင် နွေစပါးစိုက်ပျိုးထားရှိမှုအခြေအနေအား ပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်နှင့်တာဝန်ရှိသူများက ကွင်းဆင်းကြည့်ရှုခဲ့သည်။

ထို့နောက် ပြည်နယ်သမဝါယမဦးစီးဌာန ညွှန်ကြားရေးမှူး ဦးကျော်မိုးတင့်သည် အသင်း အမှုဆောင်များနှင့်တွေ့ဆုံ၍ နွေစပါးစိုက်ပျိုးထားရှိမှုအပေါ် သွင်းအားစုနှင့် ပံ့ပိုးငွေများအား သမဝါယမအသင်းချင်းချင်း ချိတ်ဆက်ရယူ၍ လုပ်ငန်းများဆောင်ရွက်နိုင်ရေး၊ သီးနှံများ အထွက်တိုးအောင်မြင်စေရေးနှင့် အသင်းသားများ၏အကျိုးအမြတ်များရရှိစေရေးကို အလေးထား ဆောင်ရွက်သွားရန် မှာကြားခဲ့သည်။ အဆိုပါ ချယ်ရီမြေစိုက်ပျိုးရေးနှင့်အထွေထွေစီးပွားရေး လုပ်ငန်းသမဝါယမအသင်းမှ အသင်းသား ၃၃ ဦးပိုင် လယ်မြေဧက ၄၀၀ တွင် နွေစပါးများ စိုက်ပျိုးဖြစ်ထွန်းလျက်ရှိကြောင်း သိရသည်။