13 May,2024

မုံရွာ မေ ၁၃

စစ်ကိုင်းတိုင်းဒေသကြီး၊ မုံရွာမြို့၊ မြို့သစ်ရပ်ကွက်ရှိ ပြည်သူ့အငှားအိမ်ရာတွင် မြတ်စေတနာ (မြို့သစ်)ငွေစုငွေချေးသမဝါယမအသင်းလီမိတက်(အသင်းသစ်)အား အသင်းသား ၇၄ ဦးဖြင့် ဖွဲ့စည်းခြင်းနှင့် ပံ့ပိုးငွေများပေးအပ်ပွဲအခမ်းအနားကို ပြည်သူ့အငှားအိမ်ရာဝင်းအတွင်း၌ ကျင်းပ ပြုလုပ်ခဲ့သည်။

အဆိုပါအခမ်းအနားတွင်  စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်က မြတ်စေတနာ(မြို့သစ်)ငွေစုငွေချေးသမဝါယမအသင်းလီမိတက် (အသင်းသစ်) ဖွဲ့စည်းပေးရခြင်းနှင့် ပတ်သက်၍ ရှင်းလင်းပြောကြားပြီးနောက် တိုင်းဒေသကြီးမြို့ပြနှင့်အိမ်ရာဖွံ့ဖြိုးရေးဦးစီးဌာန ညွှန်ကြားရေးမှူး ဦးကျော်ကျော်လင်းက ဝန်ထမ်းအိမ်ရာနှင့်ပတ်သက်သည်များ ရှင်းလင်းခြင်းနှင့် တိုင်းဒေသကြီး သမဝါယမဦးစီးဌာန ညွှန်ကြားရေးမှူး ဦးလှမြင့်က သမဝါယမအသင်းသစ် ဖွဲ့စည်း ခြင်း၊ လုပ်ငန်းများနှင့်ပတ်သက်၍ ရှင်းလင်းပြောကြားခဲ့သည်။

ဆက်လက်၍ စစ်ကိုင်းတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကျော်က အငြိမ်းစား ဝန်ထမ်းအသင်းသား၊ အသင်းသူများ၏ ငွေစုငွေချေးလုပ်ငန်းဆောင်ရွက်နိုင်ရန် ပံ့ပိုးငွေကျပ် ၂၆၈ သိန်းအား ပေးအပ်ခဲ့ကြောင်း သိရသည်။