မြစ်သား မတ် ၁၈
မန္တလေးတိုင်းဒေသကြီး၊ ကျောက်ဆည်ခရိုင်၊ မြစ်သားမြို့နယ် မြို့နယ်သမဝါယမ အသင်းစုရုံးခန်းမတွင် ၂၀၂၄-၂၀၂၅ ဘဏ္ဍာရေးနှစ် မိုးချည်မျှင်ရှည်ဝါစိုက်ပျိုးထုတ်လုပ်မည့် အသင်းသားတောင်သူများနှင့်တွေ့ဆုံပွဲအခမ်းအနားကို မတ်လ ၁၄ ရက်နေ့ နံနက်ပိုင်းက ကျင်းပပြုလုပ်ခဲ့ကြောင်း သိရသည်။
ရှေးဦးစွာ တွေ့ဆုံပွဲအခမ်းအနားတွင် မန္တလေးတိုင်းဒေသကြီးသမဝါယမဦးစီးဌာန ညွှန်ကြားရေးမှူး ဦးထွန်းဇော်ဦးမှ အဖွင့်အမှာစကားပြောကြားပြီး၊ မန္တလေးတိုင်းဒေသကြီး သမဝါယမအသင်းစုဥက္ကဋ္ဌ ဦးထွန်းလှိုင်နှင့် မြစ်သားမြို့နယ်သမဝါယမဦးစီးဌာန ဦးစီးအရာရှိ ဒေါ်စန္ဒီဝင်းတို့မှ အသင်းသားတောင်သူများ လူမှုစီးပွားဘဝဖွံ့ဖြိုးတိုးတက်ရေးအတွက် ဝါစီမံကိန်းအကောင်ထည်ဖော်ဆောင်ရွက်ရခြင်းနှင့်ပတ်သက်၍ တစ်ဧကလျှင် ကျပ်(၂၀၀၀၀၀/-) နှုန်းနှင့် ညီမျှသောသွင်းအားစုများကို ပံ့ပိုးပေးသွားမည်ဖြစ်ကြောင်း ရှင်းလင်းဆွေးနွေးခဲ့သည်။
အဆိုပါအခမ်းအနားသို့ မန္တလေးတိုင်းဒေသကြီးသမဝါယမဦးစီးဌာန ညွှန်ကြားရေးမှူး ဦးထွန်းဇော်ဦး၊ မန္တလေးတိုင်းဒေသကြီးသမဝါယမအသင်းစုဥက္ကဋ္ဌ ဦးထွန်းလှိုင်၊ မြို့နယ် သမဝါယမဦးစီးဌာန ဦးစီးအရာရှိ ဒေါ်စန္ဒီဝင်းနှင့်ဝန်ထမ်းများ၊ သမဝါယမအသင်းစုမှ အမှုဆောင် များနှင့် အသင်းသားတောင်သူစုစုပေါင်း (၅၀)ဦး တက်ရောက်ခဲ့ကြောင်း သိရသည်။
သီတာအောင်(မြစ်သား)
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။