ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ဆိုလာအသေးစားဓာတ်အားပေးစနစ် စီမံကိန်းများအတွက် စီမံကိန်းထောက်ပံ့ငွေ သဘောတူစာချုပ် လက်မှတ်ရေးထိုးပွဲကျင်းပ


24 Jan,2023

နေပြည်တော် ဇန်နဝါရီ ၂၄
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဧရာဝတီတိုင်းဒေသကြီး၊ လေးမျက်နှာမြို့နယ်၊ စိန်တောင်- လှော်ကထားကျေးရွာနှင့် ယင်းဆယ် ကျေးရွာများအတွက် ဆိုလာအသေးစားဓာတ်အားပေးစနစ် (Mini-Grid) (၂၂၄.၄)ကီလိုဝပ် စီမံကိန်း လုပ်ငန်း (၂)ခု အကောင်အထည်ဖော် ဆောင်ရွက်သွားရန်နှင့် တနင်္သာရီတိုင်းဒေသကြီး၊ ဘုတ်ပြင်း မြို့နယ်၊ ကမ်းတော ကျေးရွာရှိ ဆိုလာအသေးစားဓာတ်အားပေးစနစ်အား Installed Capacity (၁၀၈.၉ ) ကီလိုဝပ်ခန့် ထပ်မံတိုးမြှင့်ဆောင်ရွက်ခြင်းတို့အတွက် စီမံကိန်းထောက်ပံ့ငွေ သဘောတူစာချုပ် လက်မှတ် ရေးထိုးပွဲ အခမ်းအနားကို ယနေ့နံနက်ပိုင်းတွင် ရုံးအမှတ်-(၃၆) ကျေးလက်ဒေသဖွံ့ဖြိုး တိုးတက်ရေး ဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ရာ ကျေးလက်ဒေသဖွံ့ဖြိးတိုးတက်ရေး ဦးစီးဌာန ညွှန်ကြားရေးမှူးချုပ် ဦးသိန်းလွင် တက်ရောက်အမှာစကားပြောကြားခဲ့သည်။
ထို့နောက် စီမံကိန်းလုပ်ငန်းများဆောင်ရွက်ရန်အတွက် ကျေးရွာမီးလင်းရေးကော်မတီဝင်များ၊ ရင်းနှီးမြှုပ်နှံ ဆောင်ရွက်မည့် ကုမ္ပဏီများ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနတို့မှ တာဝန်ရှိသူများက စီမံကိန်းထောက်ပံ့ငွေ သဘောတူစာချုပ်ကို သုံးဦးသုံးဖလှယ် အပြန်အလှန်လက်မှတ်ရေးထိုးကြပါသည်။
ဆိုလာအသေးစား ဓါတ်အားပေးစနစ်လုပ်ငန်းများဖြစ်သည့် ဧရာဝတီတိုင်းဒေသကြီး၊ လေးမျက်နှာမြို့နယ်၊ စိန်တောင်- လှော်ကထားကျေးရွာနှင့် ယင်းဆယ် ကျေးရွာများအတွက် ဆိုလာအသေးစားဓာတ်အားပေးစနစ် (Mini-Grid) (၂၂၄.၄)ကီလိုဝပ် စီမံကိန်းကို Pro Engineering ကုမ္ပဏီမှလည်းကောင်း၊ တနင်္သာရီတိုင်းဒေသကြီး၊ ဘုတ်ပြင်းမြို့နယ်၊ ကမ်းတော ကျေးရွာရှိ ဆိုလာအသေးစားဓာတ်အားပေးစနစ်အား Installed Capacity (၁၀၈.၉) ကီလိုဝပ်ခန့် ထပ်မံတိုးမြှင့် ဆောင်ရွက်ခြင်းကို Mega Global Green Autimation ကုမ္ပဏီမှလည်းကောင်း အကောင်အထည်ဖော် ဆောင်ရွက်သွားမည် ဖြစ်ကြောင်းသိရသည်။
 
 
   
 


ဆက်စပ် သတင်းများ

Related News and Articles

ဆက်သွယ်ရန်

Dial these numbers and email in case of any emergency

  • တယ်လီဖုန်း

    ၀၆၇ - ၄၁၀၀၃၃
  • ဖက်စ်

    ၀၉၅ - ၆၇ - ၄၁၀၀၃၆
  • Email

    contact@mcrd.gov.mm