06 Feb,2025

တောင်ကြီး၊ ဖေဖော်ဝါရီ ၆

 ရှမ်းပြည်နယ်(တောင်ပိုင်း)၊ ညောင်ရွှေမြို့နယ်ရှိ ရောင်နီဦးလယ်ယာနှင့် အထွေထွေလုပ်ငန်း သမဝါယမအသင်း၊ တောင်ကြီးမြို့နယ်၊ သံတဲကျေးရွာအုပ်စု၊ ပံပုန်ကျေးရွာရှိ ပန်းချယ်ရီစိုက်ပျိုး ထုတ်လုပ်ရေးသမဝါယမအသင်းနှင့် ပင်းတယမြို့နယ်၊ ပွေးလှကျေးရွာရှိ ပွင့်လန်းစိုက်ပျိုးရေးနှင့် အထွေထွေလုပ်ငန်းသမဝါယမအသင်းများရှိ အသင်းသားပိုင်ယာမြေများတွင် အသင်းသား တောင်သူများက ဆီနေကြာများစိုက်ပျိုးထားရှိသည်။ အဆိုပါစိုက်ပျိုးထားရှိသောနေကြာများ ထွက်ရှိလာပါက ဆီကြိတ်ခွဲနိုင်ရေးအတွက် ညောင်ရွှေမြို့နယ်သမဝါယမအသင်းစုပိုင်ဆီစက်၊ သမဝါယမသင်းသားပိုင်ဆီစက်များနှင့် ချိတ်ဆက်၍ အရည်အသွေးပြည့်မီသော နေကြာဆီများ ကြိတ်ခွဲရောင်းချနိုင်ရေးနှင့် စျေးကွက်ရရှိရေးဆောင်ရွက်လျက်ရှိကြောင်း သိရသည်။