20 Jan,2025

စဉ့်ကိုင် ဇန်နဝါရီ ၁၇

          မန္တလေးတိုင်းဒေသကြီး စဉ့်ကိုင်မြို့နယ်အတွင်းရှိ ရသာ-နန်းနီ-အုန်းလက်ကောက်လမ်း (၄/၄)မိုင်အနက် ရာဂီမုန်တိုင်းကြောင့် မိုးသည်းထန်စွာရွာသွန်းပြီး ရေတိုက်စား၍ပျက်စီးခဲ့သည့် လမ်းပိုင်း(၀/၄)မိုင်ကို ၂၀၂၄-၂၀၂၅ ဘဏ္ဍာနှစ် ပြည်ထောင်စု (ပြင်ဆင်ထိန်းသိမ်းခြင်း) ရန်ပုံငွေကျပ် သန်း ၁၈ ဒသမ ၆၀ ဖြင့် ဌာနမှ ဂျင်းခင်းပြုပြင်ဆောင်ရွက်ထားရှိမှု အခြေအနေကို ဇန်နဝါရီ ၁၅ ရက်က မန္တလေးတိုင်းဒေသကြီးကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးကျော်ဇေယျာဝင်းနှင့်အတူ ကျောက်ဆည်ခရိုင် လက်ထောက်ညွှန်ကြားရေးမှူး (မြို့ပြ) ဒေါ်စန်းစန်းဝါ၊ မြို့နယ်တာဝန်ခံ ဒေါ်အိဇာထွေးတို့က ကွင်းဆင်းစစ်ဆေးခဲ့ကြောင်း သိရသည်။

ဝင်းဝင်းသန်း(စဉ့်ကိုင်)