သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
(ဆ) ကျေးလက်ဒေသဖွံ့ဖြိုးရေး မဟာဗျူဟာမူဘောင်
ရေရှည်တည်တံ့ခိုင်မြဲသော ကျေးလက်ဒေသဖွံ့ဖြိုးရေးလုပ်ငန်းများ အကောင်အထည် ဖော်ဆောင်ရွက်နိုင်ရန်နှင့် သက်ဆိုင်သူအားလုံး ပူးပေါင်းပါဝင်ဆောင်ရွက်နိုင်စေရန် ရည်မှန်း၍ ကုလသမဂ္ဂလက်အောက်ခံအဖွဲ့အစည်းများ၊ ဖွံ့ဖြိုးရေးမိတ်ဖက်အဖွဲ့အစည်းများ၊ INGOs၊ NGOs၊ ပြည်တွင်း/ ပြည်ပမှ ကျွမ်းကျင်ပညာရှင်များ၊ အရပ်ဖက်လူမှုအဖွဲ့အစည်းများဖြင့် ဆွေးနွေး တိုင်ပင်၍ ကျေးလက်ဒေသဖွံ့ဖြိုးရေးမဟာဗျူဟာမူဘောင်နှင့် အဂ္ဂမဟာဗျူဟာ(၅) ရပ်ကို ရေးဆွဲ ချမှတ်ခဲ့ပါသည်။
( က ) မဟာဗျူဟာ(၁)။ ဦးစားပေးရွေးချယ်၍ ဘက်ပေါင်းစုံထိရောက်စွာ အကောင် အထည်ဖော် ဆောင်ရွက်ရေးမဟာဗျူဟာ၊
( ခ ) မဟာဗျူဟာ(၂)။ ထပ်ပေါင်းနှင့် ထပ်ပွားဖွံ့ဖြိုးရေးရလဒ်များ ဖြစ်ထွန်းတိုးတက်ရေး မဟာဗျူဟာ၊
( ဂ ) မဟာဗျူဟာ(၃)။ ကောင်းမွန်သော ကျေးလက်ဖွံ့ဖြိုးရေး စီမံအုပ်ချုပ်လုပ်ကိုင်မှု လုပ်ငန်းစဉ်ဖွံ့ဖြိုးတိုးတက်ရေး
အခြေခံကောင်းများ ချမှတ် ဆောင်ရွက်သွားရန်မဟာဗျူဟာ၊
(ဃ) မဟာဗျူဟာ(၄)။ စဉ်ဆက်မပြတ်ဘဏ္ဍာရေး အရင်းအမြစ်များရရှိရေး မဟာ ဗျူဟာ၊
( င ) မဟာဗျူဟာ(၅)။ ထိရောက်စွာ ပူးပေါင်းအကောင်အထည်ဖော် ဆောင်ရွက်ရေး မဟာဗျူဟာ၊
