သမဝါယမနှင့် စီမံခန့်ခွဲမှုပညာတက္ကသိုလ် သန်လျင်နှင့် စစ်ကိုင်းတို့တွင် ၂၀၂၃-၂၀၂၄ ပညာသင်နှစ်နှင့် ၂၀၂၄-၂၀၂၅ ပညာသင်နှစ်တို့မှ သင်တန်းနှစ် အသီးသီးအား ဖွင့်လှစ်သင်ကြားလျက် ရှိရာ သမဝါယမနှင့် စီမံခန့်ခွဲမှုပညာတက္ကသိုလ်(သန်လျင်)၌ ကျောင်းသား/ ကျောင်းသူစုစုပေါင်း (၁၃၈၆)ဦးနှင့် သမဝါယမနှင့် စီမံခန့်ခွဲမှုပညာတက္ကသိုလ်(စစ်ကိုင်း)၌ ကျောင်းသား/ ကျောင်းသူစုစုပေါင်း (၁၀၂၆)ဦး တက်ရောက်သင်ကြားလျက်ရှိပါသည်။ ပထမနှစ်ဝင်ခွင့်ရရှိသူများအား  ၁၄-၁၁-၂၀၂၄ ရက်မှ စ၍ ကျောင်းအပ်လက်ခံလျက်ရှိပါသည်။

              သမဝါယမနှင့် စီမံခန့်ခွဲမှုပညာတက္ကသိုလ် သန်လျင်နှင့် စစ်ကိုင်းတို့မှ နေပြည်တော်၌ ကျင်းပပြုလုပ်သည့် မြန်မာနိုင်ငံ “စီးပွားရေးပညာနှစ် ၁၀၀” ရာပြည့် အထိမ်းအမှတ်အခမ်းအနားတွင် ပြခန်း (၁)ခန်းစီ ပါဝင်ခင်းကျင်းပြသခဲ့ပါသည်။