15 Feb,2023

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သမဝါယမဦးစီးဌာနစီမံခန့်ခွဲမှုအောက်ရှိ သမဝါယမကောလိပ်(ဖောင်ကြီး)နှင့် သမဝါယမစာရင်းရေး၊ စာရင်းကိုင်သက်မွေးပညာသင်တန်း ကျောင်း(တောင်ကြီး၊ မကွေး၊ ပုသိမ်၊ မော်လမြိုင်၊ မန္တလေး)တို့တွင် လစ်လပ်လျက်ရှိသော နည်းပြ (လစာနှုန်းကျပ် ၂၁၆၀၀၀-၂၀၀၀-၂၂၆၀၀၀)ရာထူး(၂၈)နေရာတို့အတွက်အလုပ်လျှောက်လွှာခေါ်ယူခြင်း

၁။           သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သမဝါယမဦးစီးဌာနစီမံခန့်ခွဲမှုအောက်ရှိ သမဝါယမကောလိပ်(ဖောင်ကြီး)နှင့် သမဝါယမစာရင်းရေး၊ စာရင်းကိုင်သက်မွေးပညာသင်တန်း ကျောင်း(တောင်ကြီး၊ မကွေး၊ ပုသိမ်၊ မော်လမြိုင်၊ မန္တလေး)တို့တွင် လစ်လပ်လျက်ရှိသော နည်းပြ (လစာနှုန်းကျပ် ၂၁၆၀၀၀-၂၀၀၀-၂၂၆၀၀၀)ရာထူး(၂၈)နေရာတို့တွင်အောက်ပါပညာအရည်အချင်း သတ်မှတ်ချက်နှင့်ကိုက်ညီသူများ လျှောက်ထားနိုင်သည်-

စဉ်	ခန့်ထားမည့် နေရာနှင့် ဦးရေ	ဘွဲ့အလိုက် ခန့်ထားမည့် ဦးရေ	ပညာအရည်အချင်း
၁။	သမဝါယမကောလိပ်	(၁)	M.Econ(Eco), MRD
	(ဖောင်ကြီး)-(၇)ဦး	(၁)	MPA, MSEM
		(၂)	M.Com, M.Act, MAF, MMM, MBA
		(၁)	M.A(Myan)
		(၁)	M.Sc(Maths)
		(၁)	M.A(Geog)
၂။	သမဝါယမစာရင်းရေး၊ စာရင်းကိုင်သက်မွေးပညာ	(၁၁)	B.Econ(Eco)/ B.Com/ B.Act/BBA/ BBM/B.A(BS)/B.B.Sc
	သင်တန်းကျောင်း-(၂၁)ဦး	(၆)	B.C.Sc, B.Sc(Computer Science)
	(တောင်ကြီး၊ မကွေး၊	(၃)	B.A(Eng)
	ပုသိမ်၊ မော်လမြိုင်၊	(၁)	B.Sc(Maths)
	မန္တလေး )		(ဘွဲ့အလိုက် မဟာဘွဲ့ရရှိသူ၊ မဟာဘွဲ့ တက်ရောက်ရန်အဆင့်မီသူများအားဦးစားပေးမည်။)

 

၂။            လျှောက်ထားသူသည် -

(က) ပြည်ထောင်စုသမ္မတမြန်မာနိုင်ငံသားဖြစ်ရမည်။

(ခ)   (၁၅-၂-၂၀၂၃)ရက်နေ့တွင် ပြင်ပပုဂ္ဂိုလ်ဖြစ်ပါက အသက်(၃၅)နှစ်ထက်မကျော် လွန်သူ၊ နိုင်ငံ့ဝန်ထမ်းဖြစ်ပါကအသက်(၄၀)နှစ်ထက်မကျော်လွန်သူဖြစ်ရမည်။

(ဂ)   ကျန်းမာရေးကောင်းမွန်ပြီး အကျင့်စာရိတ္တကောင်းမွန်သူဖြစ်ရမည်။

(ဃ) ရွေးချယ်ခန့်ထားခြင်းခံရပါက ဌာနတွင်အနည်းဆုံး(၅)နှစ်တစ်ဆက်တည်းတာဝန်ထမ်းဆောင်ရမည်။

(င)   သမဝါယမကောလိပ်(ဖောင်ကြီး)နှင့်သမဝါယမစာရင်းရေး၊ စာရင်းကိုင် သက်မွေး ပညာသင်တန်းကျောင်း (တောင်ကြီး၊ မကွေး၊ ပုသိမ်၊ မော်လမြိုင်၊ မန္တလေး)သို့ ဒေသမရွေးသွားရောက်တာဝန်ထမ်းဆောင်နိုင်ရမည်။

(စ)   အခြားဝန်ထမ်းအဖွဲ့အစည်းများမှ လျှောက်ထားသူများသည် သက်ဆိုင်ရာဝန်ကြီး ဌာနနှင့် အဖွဲ့အစည်းအကြီးအမှူး၏ ခွင့်ပြုချက်ဖြင့်လျှောက်ထားရမည်။လျှောက်လွှာ (၁)စောင်ကို မိမိတာဝန်ထမ်းဆောင်သည့်ဌာန၏ ထောက်ခံချက်ဖြင့် သက်ဆိုင်ရာ ဝန်ကြီးဌာနမှတစ်ဆင့် သမဝါယမဦးစီးဌာန(ရုံးချုပ်)၊ နေပြည်တော်သို့ (၃- ၃ -၂၀၂၃)  ရက်နေ့နောက်ဆုံးထား၍ အရောက်ပေးပို့ရမည်။

(ဆ) လျှောက်လွှာများကိုသမဝါယမဦးစီးဌာန(ရုံးချုပ်)-နေပြည်တော်၊ သမဝါယမကောလိပ် (ဖောင်ကြီး)နှင့် သမဝါယမစာရင်းရေး၊ စာရင်းကိုင်သက်မွေးပညာသင်တန်း ကျောင်းများတည်ရှိရာ တိုင်းဒေသကြီး/ပြည်နယ်ရုံးများသို့ (၃-၃-၂၀၂၃)ရက်နေ့ နောက်ဆုံးထား၍ ပေးပို့ရမည်။

၃။           လျှောက်လွှာတွင် ဖြေဆိုလိုသည့် ကောလိပ်/သင်တန်းကျောင်းအား ထင်ရှားစွာဖော်ပြ ရမည်ဖြစ်ပြီး လျှောက်လွှာနှင့်အတူအောက်ဖော်ပြပါစာရွက်စာတမ်းများကိုပူးတွဲတင်ပြရမည် -

(က) ဘွဲ့လက်မှတ်မိတ္တူ(မိတ္တူမှန်ဖြစ်ကြောင်းလက်မှတ်ရေးထိုးရန်)၊

(ခ)   အသက်အထောက်အထားအတွက်တက္ကသိုလ်ဝင်တန်းအောင်လက်မှတ်မိတ္တူ (မိတ္တူမှန်ဖြစ်ကြောင်းလက်မှတ်ရေးထိုးရန်)၊

(ဂ)   နိုင်ငံ့ဝန်ထမ်းမဟုတ်သူများအတွက်အလုပ်သမားမှတ်ပုံတင်ကတ်ပြားမိတ္တူ၊ အကျင့်စာရိတ္တကောင်းမွန်ကြောင်းနှင့်ပြစ်မှုကင်းရှင်းကြောင်းကိုသက်ဆိုင်ရာရပ်ကွက်နှင့်မြန်မာနိုင်ငံရဲတပ်ဖွဲ့ထောက်ခံချက်မူရင်း[လွန်ခဲ့သော(၁)လအတွင်း]

(ဃ) နိုင်ငံ့ဝန်ထမ်းများအတွက်ကိုယ်တိုင်ဝန်ခံချက်၊ ဌာနထောက်ခံချက်

(င)   ကျန်းမာကြောင်းဆေးထောက်ခံစာ

(စ)   ပတ်စ်ပို့ဓါတ်ပုံ(၂)ပုံ[လွန်ခဲ့သော (၁)လ ခန့်အတွင်း]

၄။               ရေးဖြေစာမေးပွဲကို သမဝါယမကောလိပ်/သင်တန်းကျောင်းများတွင် (၉- ၃-၂၀၂၃)ရက်နေ့၌ ပြုလုပ်သွားမည်ဖြစ်ပြီး ဖြေဆိုရမည့်ဘာသာရပ်များမှာ မြန်မာစာ၊ အင်္ဂလိပ်စာနှင့်အထွေထွေဗဟုသုတ တို့ဖြစ်ပါသည်။ (၆-၃-၂၀၂၃)ရက်နေ့မှစတင်၍ ရေးဖြေဖြေဆိုခွင့်ကတ်ပြားထုတ်ပေးခြင်းဆောင်ရွက် သွားမည်ဖြစ်သည်။ ရေးဖြေအောင်မြင်သူများအမည်စာရင်းကိုသက်ဆိုင်ရာကောလိပ်/တိုင်းဒေသကြီး/ ပြည်နယ်ရုံးများတွင် ကြေညာပေးမည်ဖြစ်ပြီးရေးဖြေအောင်မြင်သူများအား လူတွေ့စစ်ဆေးခြင်း ပြုလုပ်သွားမည်ဖြစ်ပါသည်။

၅။           အရည်အချင်းသတ်မှတ်ချက်နှင့်မကိုက်ညီသူများ၊ ပူးတွဲတင်ပြရမည့်စာရွက်စာတမ်း အချက်အလက်မပြည့်စုံသူများနှင့်သတ်မှတ်ရက်ထက်နောက်ကျရောက်ရှိလာသောလျှောက်လွှာများ ကိုလက်ခံစဉ်းစားမည်မဟုတ်ပါ။အသေးစိတ်သိရှိလိုပါက ဖောင်ကြီးကောလိပ် ၀၉-၄၅၁၁၅၃၆၆၄/ ၀၉-၄၅၂၄၂၆၉၁၂၊ ရှမ်းပြည်နယ်ရုံး ၀၉-၄၀၁၇၀၄၅၄၀၊ မကွေးတိုင်းရုံး ၀၉-၄၂၀၈၃၈၁၈၂၊ ဧရာဝတီ တိုင်းရုံး ၀၄၂-၂၁၂၁၃၊ မွန်ပြည်နယ်ရုံး 057-24684၊ မန္တလေးတိုင်းရုံး 02-4039147၊ သမဝါယမ ဦးစီးဌာန(ရုံးချုပ်) 067-3410336 သို့ ဆက်သွယ်မေးမြန်းစုံစမ်းနိုင်ပါသည်။

သမဝါယမဦးစီးဌာန