လူထုဗဟိုပြု Community Driven Development ချဉ်းကပ်မှုနည်းလမ်းဖြင့်၂၀၂၂-၂၀၂၃ ဘဏ္ဍာနှစ်တွင် မြို့နယ် (၇)မြို့နယ်၊ ကျေးရွာအုပ်စု (၁၈၂) အုပ်စု၌ လမ်းတံတား၊ စာသင်ကျောင်း၊ ကျေးရွာခန်းမ၊ ရေပေးရေး၊ မီးလင်းရေးနှင့်အခြားစသည့် အခြေခံအဆောက်အအုံဖွံ့ဖြိုးရေးလုပ်ငန်း များအား ဆောင်ရွက်ရန် လျာထားခဲ့ပြီးကျေးရွာအုပ်စုများသို့ ထောက်ပံ့ရန်ပုံငွေ လွှဲပို့နိုင်ရန် ကမ္ဘာ့ဘဏ်သို့ NOL (No Objection Letter) တောင်းခံခဲ့ရာ ကမ္ဘာ့ဘဏ်မှ ဆောင်ရွက်ဆဲ လုပ်ငန်းများအတွက် စီမံကိန်းကာလအား (၁) နှစ် သက်တမ်းတိုးခဲ့ပါသည်။ မြို့နယ် (၇) မြို့နယ်၌ ဆောင်ရွက်ဆဲလုပ်ငန်း စီမံကိန်းလုပ်ငန်းစုစုပေါင်း (၃၄၄) ခုတွင် အစီရင်ခံသည့်ကာလထိ ဆောင်ရွက်ပြီးလုပ်ငန်း (၂၅၉) ခု၊ ဆောင်ရွက်ဆဲလုပ်ငန်း (၈၅) ခု ဖြစ်ပါသည်။