နေပြည်တော် သြဂုတ် ၂၀

 

သမဝါယမ နှင့် ကျေးလက်ဖွံ့ဖြိုးရေးဝန်ကြီးဌာန သမဝါ ယမဦးစီးဌာနသည် လက်မှုလယ်ယာမှ စက်မှုလယ်ယာသို့ ကူးပြောင်းနိုင်ရန် နိုင်ငံတော်ဘတ်ဂျက်နှင့် တိုင်းဒေသကြီး ဘတ်ဂျက်တို့မှ ခေတ်မီ စက်ယန္တရားများကို တောင်သူများ လက်ဝယ် အရောက်ပေးအပ်နိုင်ရန် စီစဉ်ဆောင်ရွက်ခဲ့ရာ ၂ ဝ၂၂-၂ဝ၂၃ ဘဏ္ဍာနှစ်တွင် လက်တွန်းထွန်စက်နှင့် ထွန် စက်အမျိုးအစား ၁၀ မျိုးအတွက် စုစုပေါင်း ၁၁၉ စီး ခွင့် ပြုချက်ရရှိခဲ့ကြောင်း သိရသည် ။ 

 

နေပြည်တော်ကောင်စီနယ်မြေအပါအဝင် တိုင်းဒေသကြီး / ပြည်နယ် ကိုးခုရှိ စံပြကျေးရွာအဖြစ်အကောင်အထည်ဖော် ဆောင်ရွက်နေသည့် ကျေးရွာများရှိ သမဝါယမအသင်းမှ အသင်းသားများကို လယ်ယာမြေဝန်ဆောင်မှုလုပ်ငန်းများ လုပ်ကိုင်နိုင်ရန် ခေတ်မီစက်ယန္တရားများကို ချိုသာသော ဈေးနှုန်းဖြင့် ရောင်းချပေးခြင်းဖြစ်သည် ။ 

 

“ ဘတ်ဂျက်က နှစ်ပိုင်းရှိတယ် ။ ပြည်ထောင်စုဘတ်ဂျက်နဲ့ တိုင်းဒေသကြီး / ပြည်နယ်ဘတ်ဂျက်ဖြစ်ပါတယ် ။ ပြည် ထောင်စုဘတ်ဂျက်ကနေ နေပြည်တော်ကောင်စီနယ်မြေ အပါအဝင် တိုင်းဒေသကြီး / ပြည်နယ် ကိုးခုရှိ စံပြ ကျေး ရွာများတွင် ခေတ်မီစက်ယန္တရားများကို တွင်ကျယ်စွာ သုံးစွဲနိုင်ရန်အတွက်လျာထားဆောင်ရွက်ခဲ့ရာမှာ စုစုပေါင်း ၇၅ စီးခွင့်ပြုချက်ရရှိခဲ့တယ် ။ တိုင်းဒေသကြီး / ပြည်နယ်အစိုး ရ ဘတ်ဂျက်ကနေ ကချင်ပြည်နယ် ၊ ရှမ်းပြည်နယ် ၊ ချင်း ပြည်နယ်နဲ့ ဧရာဝတီတိုင်းဒေသကြီးတို့မှာ စက်ယန္တရားများ တွင်ကျယ်စွာ သုံးစွဲနိုင်ရန်အတွက်လျာထား ဆောင်ရွက်ခဲ့ ရာမှာ ၄၄ ဦးခွင့်ပြုချက်ရရှိခဲ့ပြီး စုစုပေါင်း ၁၁၉ စီး ခွင့်ပြု ချက်ရရှိခဲ့ပါတယ် ” ဟု သမဝါယမဦးစီးဌာန ညွှန်ကြားရေးမှူး ဦးမျိုးအောင် ကပြောသည် ။ 

 

ထိုသို့ခွင့်ပြုချက်ရရှိထားသော စက်ယန္တရားများကိုနိုင်ငံ တော်က ၅၀ ရာခိုင်နှုန်း ကျခံမည်ဖြစ်ပြီး ကျန်သည့် ၅၀ ရာခိုင်နှုန်းကို စံပြကျေးရွာများရှိ သမဝါယမအသင်းသားများက လက်ငင်းစနစ် သို့မဟုတ် အရစ်ကျစနစ်တို့ဖြင့် ဝယ်ယူနိုင်ကာ အရစ်ကျဖြင့်ဝယ်ယူမည်ဆိုပါက မူလ ပစ္စည်းတန်ဖိုး၏ ၃၀ ရာခိုင်နှုန်းကို ဦးစွာပေးသွင်းရမည် ဖြစ်သည် ။ လက်ရှိအချိန်ထိ ၉၉ စီး ရောင်းချပြီး ဖြစ်သည် ။ 

 

တောင်သူများအနေဖြင့် စက်ယန္တရားများကို အပြင်က ဝယ် ယူမည်ဆိုပါက ဈေးနှုန်းကြီးမြင့်မှုများရှိကြောင်း ၊ ယခု သမဝါယမဦးစီးဌာနက ရောင်းချပေးသည့်စက်ယန္တရားများ သည် ကိုရီးယားအမျိုးအစားဖြစ်ကြောင်း ၊ တောင်သူများ အနေဖြင့် စက်ပစ္စည်း၏ တန်ဖိုးတစ်ဝက်ကို နိုင်ငံတော်က ကျခံပေးသည့်အတွက် ကျန်တစ်ဝက်ကိုသာ တောင်သူက ကျခံရသဖြင့် စက်ယန္တရားတစ်ခုကို အလွယ်တကူ ပိုင်ဆိုင် နိုင် မည်ဖြစ်ကြောင်း သိရသည် ။ 

 

ဇော်မျိုး ( နေပြည်တော် )