06 Mar,2023

ညောင်လေးပင်၊ မတ် ၆

ပဲခူးတိုင်းဒေသကြီး၊ ညောင်လေးပင်မြို့နယ်ရှိ ရဲနွယ်စိုက်ပျိုးထုတ်လုပ်ရေးသမဝါယမ အသင်းသည် အသင်းသား‌ ၆၁ ဦး၊ စိုက်ဧက ၅၇၀ ဧကရှိပြီး အသင်းသားများက ပဲတီစိမ်းနှင့် နွေစပါးများ စိုက်ပျိုးကြသည်။ အသင်းပိုင် စိုက်ဧကများအနက်မှ ဧက ၃၅၀ ပေါ်တွင် ရေဆင်း-၁၄ ပဲတီစိမ်းမျိုးကို စိုက်ပျိုးခဲ့ပြီး ပဲတီစိမ်းတစ်ဧကလျှင် ၁၅ တင်း နှုန်းဖြင့် ပဲတီစိမ်းတင်းပေါင်း ၅၂၅၀ ထွက်ရှိခဲ့သည်။

ယခုအခါ အသင်းပိုင်စိုက်ဧက ၃၀၀ ပေါ်တွင်လည်း နွေစပါး (ထိုင်းမနောမျိုး)များ စိုက်ပျိုး ထားရှိရာ ထွက်ရှိချိန်တွင် တစ်ဧကလျှင် ပျှမ်းမျှတင်း ၈၀ ထွက်ရှိမည်ဖြစ်ပြီး နေကြာသီးနှံများကို လည်း စိုက်ပျိုးထားရှိိကြောင်း သိရသည်။