08 Oct,2025

သရက်မြို့နယ် ပြရေ-ပုထိုးကျေးရွာချင်းဆက်လမ်းပေါ်၌ ရေကျော်တည်ဆောက်ပြီးစီးမှု စစ်ဆေး

************************************************************************

သရက်   အောက်တိုဘာ    ၈

          မကွေးတိုင်းဒေသကြီး၊ သရက်ခရိုင်၊ သရက်မြို့နယ်ကျေးလက်လမ်းဖွံ့ဖြိုးရေးဦးစီးဌာနက ၂၀၂၅-၂၀၂၆ ဘဏ္ဍာနှစ်၊ ပြည်ထောင်စု(ငွေလုံးငွေရင်း)ရန်ပုံငွေဖြင့် ပြရေ-ပုထိုးကျေးရွာ ချင်းဆက်လမ်းပေါ်၌ ရေကျော်တည်ဆောက်ပြီးစီးမှုအခြေအနေများကို အောက်တိုဘာ ၇ရက် နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ကွင်းဆင်းစစ်ဆေးရာတွင် သရက်ခရိုင်ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးသက်အောင်သန့်၊ သရက်မြို့နယ်ကျေးလက်လမ်းဖွံ့ဖြိုးရေးဦးစီးဌာန မြို့နယ်တာဝန်ခံအင်ဂျင်နီယာ ဒေါ်မေမီမီမင်းမြတ်နှင့် ဝန်ထမ်းများက ပြရေ-ပုထိုးကျေးရွာချင်းဆက်လမ်းပေါ်၌ အရှည်ပေ ၁၂၀ရှိ ရေကျော်တည်ဆောက်ပြီးစီးမှုအခြေအနေများကို ကြည့်ရှုစစ်ဆေးပြီး ဦးသက်အောင်သန့်က ကျေးရွာနှစ်ရွာမှ တာဝန်ရှိသူများနှင့်တွေ့ဆုံကာ ဆောင်ရွက်ပြီးလုပ်ငန်းအား ရေရှည်တည်တံ့စေရေး ကျေးရွာမှဝိုင်းဝန်းထိန်းသိမ်းစောင့်ရှောက်သွားကြရန် မှာကြားခဲ့သည်။

      အဆိုပါ ပြရေ-ပုထိုးကျေးရွာချင်းဆက်လမ်းပေါ်၌ ရေကျော်(၁)စင်းတည်ဆောက်ခြင်း လုပ်ငန်းကို  ၂၀၂၅-၂၀၂၆ ဘဏ္ဍာနှစ်၊ ပြည်ထောင်စု (ငွေလုံးငွေရင်း)ရန်ပုံငွေကျပ် ၁၁၇ ဒသမ ၂၄သန်းဖြင့် မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ မေလစတုတ္ထပတ်က စတင်ဆောင်ရွက်ခဲ့ရာ ယခုအခါ လုပ်ငန်းများ ရာနှုန်းပြည့်ဆောင်ရွက်ပြီးစီးပြီဖြစ်သဖြင့် ကျေးရွာနှစ်ရွာရှိ အိမ်ခြေ ၇၆၆ အိမ်၊ လူဦးရေ၃၂၅၈ဦးတို့အတွက် များစွာအကျိုးပြုလျက်ရှိပြီး လူမှုစီးပွားဘဝများ ပိုမိုဖွံ့ဖြိုး တိုးတက်လာမည်ဖြစ်ကြောင်း သိရသည်။

ဆက်လူ