Language : |
ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

(ဂ) ထိန်းကျောင်းတည့်မတ်ခြင်း

ထိန်းကျောင်းတည့်မတ်ခြင်း

သမဝါယမဦးစီးဌာန၏ ထိန်းကျောင်းတည့်မတ်ရေးလုပ်ငန်းဆောင်ရွက်မှု

သမဝါယမဦးစီးဌာနအနေဖြင့် ထိန်းကျောင်းတည့်မတ်ရေးလုပ်ငန်းများကို အောက်ပါအတိုင်း ဆောင်ရွက်လျက်ရှိပါသည် -

(က) အသင်းစည်းကမ်းတွင် ပြဌာန်းထားသော စီးပွားရေးလုပ်ငန်းများ ဆောင်ရွက်ခြင်း ရှိ/မရှိ၊
( ခ ) သမဝါယမအသင်းဥပဒေ၊ နည်းဥပဒေများနှင့်အညီ ဆောင်ရွက်ခြင်း ရှိ/မရှိ၊
( ဂ ) ဦးစီးဌာနကထုတ်ပြန်ထားသောအမိန့်၊ညွှန်ကြားချက်များအတိုင်းလိုက်နာဆောင်ရွက် ခြင်း ရှိ/မရှိ၊
(ဃ) နှစ်စဉ်အရပ်ရပ်ဆိုင်ရာ အစည်းအဝေးများကို လုပ်ထုံးလုပ်နည်းနှင့်အညီ ကျင်းပနိုင် ခြင်း ရှိ/မရှိ၊
(င) သာမန်နှင့်နှစ်ချုပ်စာရင်းများ အစစ်ဆေးခံနိုင်ခြင်းရှိ/မရှိ၊ စစ်ဆေးချက်အပေါ်လိုက်နာ မှု ရှိ/မရှိ။

သမဝါယမအသင်းနည်းဥပဒေ(၆၆)အရ သမဝါယမအသင်းများ၏စာရင်းများကို တစ်နှစ်လျှင် အနည်းဆုံးသမဝါယမဦးစီးဌာနမှ စာရင်းစစ်အဖွဲ့ဖြင့်ဖြစ်စေ၊ စာရင်းကျွမ်းကျင်သူအဖွဲ့ဖြင့်ဖြစ်စေ သက်ဆိုင်ရာသမဝါယမအသင်း၏ဆန္ဒနှင့်အညီ စစ်ဆေးရပါသည်။ အဆိုပါစစ်ဆေးချက် အစီရင်ခံစာ ကိုအသင်း၏ အရပ်ရပ်ဆိုင်ရာအစည်းအဝေးတွင်တင်ပြ၍ အတည်ပြုရပါသည်။ သမဝါယမအသင်း နည်းဥပဒေ(၆၈)အရ သမဝါယမအသင်း၏စာရင်းများကိုစစ်ဆေးရာတွင် (၆)လတစ်ကြိမ် သာမန် စစ်ဆေးပြီးနှစ်ကုန်သည့်အခါ နှစ်ချုပ်စာရင်းများ စစ်ဆေးရပါသည်။စာရင်းစစ်ဆေးချက် အစီရင်ခံစာ များကိုသက်ဆိုင်ရာသမဝါယမဦးစီးဌာနသို့ပေးပို့၍အတည်ပြုရပါသည်။ သမဝါယမအသင်းနည်းဥပဒေ (၆၉)အရ အသင်း၏အကျိုးစီးပွားအတွက် အသင်းသား (သို့မဟုတ်) အသင်းဝင်တစ်ဦးဦးက အသင်း အပေါ်မကျေနပ်၍ တိုင်ကြားလာလျှင် ယင်းတိုင်ကြားချက်ကို အခြေအမြစ်ရှိသည်ဟု ယူဆပါက သက်ဆိုင်ရာတစ်ဆင့်မြှင့် သမဝါယမဦးစီးဌာနနှင့် အသင်းအဆင့်ဆင့်တို့မှ ကိုယ်စားလှယ်များ ပါဝင် သောအဖွဲ့ဖွဲ့စည်း၍ သမဝါယမအသင်း၏စာရင်းများကို စစ်ဆေးရမည်ဟု ပြဋ္ဌာန်းထားရှိချက်နှင့် အညီ စစ်ဆေးဆောင်ရွက်လျက်ရှိပါသည်။


သမဝါယမအသင်းအဆင့်ဆင့်၏ ထိန်းကျောင်းတည့်မတ်ရေးလုပ်ငန်းဆောင်ရွက်မှု အသင်းတွင်းကြီးကြပ်ကွပ်ကဲမှု

အသင်းဥပဒေပါ အသင်း၏အခြေခံမူများတွင် သမဝါယမအသင်းများ၌ အသင်း၏လုပ်ငန်း အရပ်ရပ်ကို အများ၏ဆန္ဒဖြင့်သာ စီမံခန့်ခွဲရန်၊ ပုဒ်မခွဲ(ဃ)တွင် အသင်း၏လုပ်ငန်းမှ ထွက်ပေါ် လာသည့် အသားတင်အမြတ်ငွေများကို အသင်းသားများ၏ ဆုံးဖြတ်ချက်ဖြင့် ခွဲဝေရန်ဟု ပြဋ္ဌာန်း ဖော်ပြပါရှိပါသည်။ ထို့ပြင် နည်းဥပဒေအပိုဒ်-၃၉(က)အရ အမှုဆောင်အဖွဲ့ အစည်းအဝေးများကို တစ်လတစ်ကြိမ်ထက်မနည်း ကျင်းပပြုလုပ်နိုင်ပြီး အသင်း၏ လုပ်ငန်းကိစ္စများကို အမှုဆောင် အဖွဲ့အစည်းအဝေးဆုံးဖြတ်ချက်များဖြင့် ဆောင်ရွက်ရပါသည်။ လုပ်ငန်းတာဝန်ခံများ ခန့်အပ်ခြင်း၊ အမှုဆောင်အဖွဲ့အား တစ်ဦးချင်းကိုယ်စီတာဝန်ခွဲဝေသတ်မှတ်ခြင်းများကိုလည်း အမှုဆောင်အဖွဲ့ အစည်းအဝေးဆုံးဖြတ်ချက်ဖြင့်သာဆောင်ရွက်ကြရပါသည်။ အလားတူသမဝါယမအသင်း နည်းဥပဒေ အပိုဒ် (၃၅)(က)တွင် ပြဋ္ဌာန်းထားချက်အရ ဘဏ္ဍာရေးနှစ် အလိုက် နှစ်စဉ်ပုံမှန်ကျင်းပပြုလုပ်ရမည့် အသင်း၏အရပ်ရပ်ဆိုင်ရာအစည်းအဝေးကို အသင်းဥပဒေ၊နည်းဥပဒေများ၊ စည်းမျဉ်းစည်းကမ်းများ နှင့်အညီကျင်းပပြုလုပ်ပြီး နည်းဥပဒေအပိုဒ်-၇၀(က) အရ အသင်း၏ကိစ္စအဝဝကို အပြီးသတ် ဆုံးဖြတ်ကြရပါသည်။ သမဝါယမအသင်းနည်းဥပဒေ အပိုဒ်-၆၇ အရ သမဝါယမအသင်း၏ စာရင်း များကို ရေးသွင်းခြင်း၊ နှစ်ချုပ်စာရင်းများ ရေးဆွဲခြင်း၊ အသင်းစာရင်းစစ်အဖွဲ့က စာရင်းများကို စစ်ဆေးပြီး အမှုဆောင်အဖွဲ့ထံ တင်ပြခြင်းများကိုလည်း ဆောင်ရွက်ရပါသည်။


အသင်းအဆင့်ဆင့်ကြီးကြပ်ကွပ်ကဲမှု

အသင်းစုချုပ်များကို ဗဟိုသမဝါယမအသင်းကလည်းကောင်း၊ အသင်းစုများကို သက်ဆိုင်ရာ အသင်းစုချုပ်များကလည်းကောင်း၊အခြေခံအသင်းများကိုသက်ဆိုင်ရာ အသင်းစုများကလည်းကောင်း အသင်းအဆင့်ဆင့်အလိုက် အောက်ပါအချက်များကို ကြီးကြပ်ကွပ်ကဲလျက်ရှိပါသည် -

(က) နှစ်စဉ်အရပ်ရပ်ဆိုင်ရာအစည်းအဝေးများ ပြုလုပ်နိုင်ခြင်း ရှိ/မရှိ၊
( ခ ) ကာလလွန်ကြွေးကျန်ငွေများ ရှိ/မရှိ၊
( ဂ ) အသင်း၏ဘဏ္ဍာရေးအခြေအနေသုံးသပ်ချက်အရ ဝင်ငွေနှင့်အသုံးစရိတ် အချိုးများ၊
(ဃ) အမှုဆောင်များ ငွေကြေးအလွဲသုံးစားမှု ရှိ/မရှိ၊
(င) ၆ လနှင့် နှစ်ချုပ်စာရင်းများ အချိန်မီရေးဆွဲစစ်ဆေးခံနိုင်ခြင်း ရှိ/မရှိ၊

သမဝါယမအသင်းအဆင့်အား ၂၀၂၂-၂၀၂၃ ဘဏ္ဍာရေးနှစ် နှစ်ချုပ်စာရင်းစစ်ဆေးခြင်းနှင့် ၂၀၂၃-၂၀၂၄ ဘဏ္ဍာရေးနှစ် (၆)လချုပ် သာမန်စာရင်းစစ်ဆေးပြီးစီးမှု အခြေအနေ

စဉ် တိုင်းဒေသကြီး/ပြည်နယ် ၂၀၂၂-၂၀၂၃ ဘဏ္ဍာရေးနှစ် နှစ် ချုပ်စာရင်း စစ်ဆေးခြင်း ၂၀၂၃-၂၀၂၄ ဘဏ္ဍာရေးနှစ် သာမန်စာရင်း စစ်ဆေးခြင်း မှတ်ချက်
စစ်ရန်အသင်း စစ်ပြီးအသင်း စစ်ရန်ကျန် စစ်ရန်အသင်း စစ်ပြီးအသင်း စစ်ရန်ကျန်
ကချင် ၇၉၂ ၇၉၂ - ၇၉၉ ၇၉၉    
ကယား ၂၉၈ ၂၈၂ ၁၆ ၃၁၁ - ၃၁၁  
ကရင် ၅၁၇ ၄၁၅ ၁၀၂ ၅၁၀ ၁၃၃ ၃၇၇  
ချင်း ၆၁၂ ၃၅၈ ၂၅၄ ၆၁၆ ၁၆၉ ၄၄၇  
စစ်ကိုင်း ၅၃၀၇ ၅၃၀၇ - ၅၂၉၃ ၅၂၉၃ -  
တနင်္သာရီ ၅၁၂ ၅၁၂ - ၅၁၁ ၅၁၁ -  
ပဲခူး ၆၆၉၈ ၆၆၉၈ - ၆၆၉၈ ၆၅၁၈ ၁၈၀  
မကွေး ၅၄၅၇ ၅၀၈၀ ၃၇၇ ၅၄၅၀ ၅၀၆၂ ၃၈၈  
မန္တလေး ၄၇၄၇ ၄၇၃၉ ၄၇၂၈ ၄၇၂၆  
၁၀ မွန် ၆၆၄ ၆၆၃ ၆၆၆ ၆၆၅  
၁၁ ရခိုင် ၁၂၉၀ ၁၂၉၀ - ၁၂၅၆ ၃၆၇ ၈၈၉  
၁၂ ရန်ကုန် ၂၅၀၄ ၂၅၀၄ - ၂၄၇၉ ၂၃၀၅ ၁၇၄  
၁၃ ရှမ်း ၂၁၅၂ ၂၀၈၃ ၆၉ ၂၁၂၈ ၁၄၉၀ ၆၃၈  
၁၄ ဧရာဝတီ ၆၆၉၀ ၆၆၉၀ - ၆၇၂၄ ၆၆၂၄ -  
၁၅ နေပြည်တော် ၆၁၃ ၆၁၃ - ၆၃၅ ၆၃၃  
၁၆ ဗဟိုသမဝါယမ - -  
၁၇ အသင်းစုချုပ်(၅) -  
  စုစုပေါင်း ၃၈၈၅၉ ၃၈၀၃၀ ၈၂၉ ၃၈၇၁၀ ၃၅၂၉၅ ၃၄၁၅  

ကရင်ပြည်နယ်သမဝါယမဦးစီးဌာနတွင် (၂၀၂၃-၂၀၂၄)ဘဏ္ဍာရေးနှစ်သာမန်စစ်ဆေးရန်(၅၁၇)သင်းလျာထားသော်လည်းဘားအံမြို့နယ်တွင် အသင်းသစ်(၃)သင်း ထပ်မံဖွဲ့စည်းခဲ့သောကြောင့် စစ်ရန် (၅၁၀)သင်းရှိကြောင်း၊ ချင်းပြည်နယ်သမဝါယမဦးစီးဌာနတွင် (၂၀၂၃-၂၀၂၄)ဘဏ္ဍာရေးနှစ် သာမန်စစ်ဆေးရန်(၆၁၈)သင်းလျာထားသော်လည်း ဟားခါးမြို့နယ်တွင် (၂)သင်း စာရင်းရှင်းလင်းဖျက်သိမ်းခဲ့ခြင်းကြောင့် စစ်ရန်(၆၁၆)သင်းရှိကြောင်း၊ ဧရာဝတီတိုင်းဒေသကြီးသမဝါယမဦးစီးဌာနတွင်(၂၀၂၃-၂၀၂၄)ဘဏ္ဍာရေးနှစ်သာမန်စစ်ဆေးရန်(၆၇၂၆)သင်းလျာထားသော်လည်း (၁၂၇)သင်း စာရင်းရှင်းလင်းဖျက်သိမ်းခဲ့ပြီး၊ အသင်းသစ်(၂၅)သင်းထပ်မံဖွဲ့စည်းခဲ့သဖြင့် စစ်ရန်(၆၆၂၄) သင်းကျန်ရှိကြောင်း

 

ဆက်စပ်လင့်ခ်များ

အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။

  • တယ်လီဖုန်း

    ၀၆၇ - ၄၁၀၀၃၃
  • ဖက်စ်

    ၀၆၇ - ၄၁၀၀၃၆
  • Email

    contact@mcrd.gov.mm