သမဝါယမအသင်းများဖွဲ့စည်းမှုနှင့်အသင်းဖွဲ့စည်းရန်လိုအပ်ချက်များ

၁၉၉၂ခုနှစ်၊ သမဝါယမအသင်းဥပဒေပါ အခြေခံမူများနှင့်အညီ မိမိတို့ဆန္ဒအလျောက် အသင်းသားများ စုစည်း၍ ထုတ်လုပ်မှုသမဝါယမအသင်းများ၊ ဝန်ဆောင်မှုသမဝါယမအသင်းများ၊ ကုန်သွယ်မှုသမဝါယမအသင်းများ၊ အထွေထွေသမဝါယမအသင်းများ ဖွဲ့စည်းဆောင်ရွက်လျက်ရှိ ပါသည်။

၁၉၉၂ခုနှစ်၊ သမဝါယမအသင်းဥပဒေနှင့်အညီ အခြေခံသမဝါယမအသင်းကို အနည်းဆုံး ပုဂ္ဂိုလ် (၅)ဦးဖြင့် လည်းကောင်း၊ အခြေခံသမဝါယမအသင်း အနည်းဆုံး(၃)သင်းကို စုပေါင်း၍ သမဝါယမအသင်းစုကိုလည်းကောင်း၊ အသင်းစုများပါဝင်သည့် အသင်းစုချုပ်ကိုလည်းကောင်း၊ အသင်းစုနှင့် အသင်းစုချုပ်များပါဝင်သည့် ဗဟိုသမဝါယမအသင်းကိုလည်းကောင်း ဖွဲ့စည်းထားရာ (၃၁-၃-၂၀၂၄) ရက်နေ့အထိ အသင်းစုစုပေါင်း (၃၈၇၀၀)သင်းဖြစ်ပြီး ဖွဲ့စည်းပုံမှာ အောက်ပါ အတိုင်းဖြစ်ပါသည်-

 

သမဝါယမအသင်းအဆင့်ဆင့်ဖွဲ့စည်းမှု

(၃၁.၃.၂၀၂၄)

စဉ်	အသင်းအမျိုးအစား	အသင်း ဦးရေ	အသင်းဝင်/ အသင်းသား ဦးရေ	အစုငွေ (ကျပ်သန်း)
၁	ဗဟိုသမဝါယမအသင်း	၁	၄၆၁	၁၄၀၁.၇၅၁
၂	သမဝါယမအသင်းစုချုပ်	၂၂	၅၁၅	၁၅၅၅.၃၁၇
၃	သမဝါယမအသင်းစု	၄၄၉	၂၀၂၂၄	၃၁၂၀.၀၄၀၅
၄	အခြေခံသမဝါယမအသင်း	၃၈၂၂၈	၄၁၉၂၀၆၈	၇၄၀၀၇.၂၉၁၈၇၉
	ပေါင်း	၃၈၇၀၀	၂၁၂၀၀/ ၄၁၉၂၀၆၈	၈၀၀၈၄.၄၀၀၃၇၉

ကဏ္ဍအလိုက်သမဝါယမအသင်းများဖွဲ့စည်းမှု

(၃၁.၃.၂၀၂၄)

စဉ်	ကဏ္ဍ	အရေအတွက်	မှတ်ချက်
၁	ထုတ်လုပ်မှု	၃၁၉၉၁
၂	ဝန်ဆောင်မှု	၃၅၇၇
၃	ကုန်သွယ်မှု	၃၁၃၂
	ပေါင်း	၃၈၇၀၀

တိုင်းဒေသကြီး/ပြည်နယ်အလိုက်အသင်းဖွဲ့စည်းမှု

(၃၁.၃.၂၀၂၄)

 

စဉ်	တိုင်းဒေသကြီး/ ပြည်နယ်	ဗဟို အသင်း	အသင်း စုချုပ်	အသင်းစု	အခြေခံ အသင်း	စုစုပေါင်း
၁	နေပြည်တော်		၁	၁၆	၆၃၇	၆၅၄
၂	ကချင်		၁	၁၂	၇၈၇	၈၀၀
၃	ကယား		၁	၇	၃၀၆	၃၁၄
၄	ကရင်		၁	၁၃	၄၈၃	၄၉၇
၅	ချင်း		၁	၁၅	၆၀၇	၆၂၃
၆	စစ်ကိုင်း		၁	၄၈	၅၂၄၇	၅၂၉၆
၇	တနင်္သာရီ		၁	၁၄	၅၀၂	၅၁၇
၈	ပဲခူး		၁	၃၉	၆၆၈၁	၆၇၂၁
၉	မကွေး		၁	၃၇	၅၃၆၅	၅၄၀၃
၁၀	မန္တလေး		၁	၃၉	၄၆၉၀	၄၇၃၀
၁၁	မွန်		၁	၁၀	၆၄၈	၆၅၉
၁၂	ရခိုင်		၁	၂၁	၁၂၁၂	၁၂၃၄
၁၃	ရန်ကုန်	၁	၇	၇၃	၂၄၁၅	၂၄၉၆
၁၄	ရှမ်း		၂	၄၀	၂၀၈၇	၂၁၂၉
၁၅	ဧရာဝတီ		၁	၆၅	၆၅၆၁	၆၆၂၇
	စုစုပေါင်း	၁	၂၂	၄၄၉	၃၈၂၂၈	၃၈၇၀၀

အခြေခံသမဝါယမအသင်းတစ်သင်း ဖွဲ့စည်းလိုပါက အောက်ပါအချက်များပါရှိရပါမည်-

(က) အသင်းသားတစ်ဦးချင်း၏ လျှောက်လွှာ
( ခ) အသင်းသားများ၏ အစုထည့်ဝင်မှုစာရင်း
( ဂ) အသင်းသားကိုယ်စားလှယ်တစ်ဦးမှ အသင်းဖွဲ့စည်းလိုကြောင်းကို ဦးစီးအရာရှိ၊ မြို့နယ်သမဝါယမဦးစီးဌာနသို့ တင်ပြစာ
(ဃ) အသင်းစည်းကမ်း
( င) အမှုဆောင်လျာထားစာရင်း

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၏ ဒုတိယကာလတို(၅)နှစ် လယ်ယာ ကဏ္ဍ၊ မူဝါဒ၊ ရည်မှန်းချက်နှင့် လုပ်ငန်းစဉ်များကို ထိရောက်စွာ အကောင်အထည်ဖော် ဆောင်ရွက် နိုင်ရေးအတွက် သမဝါယမဦးစီးဌာနအနေဖြင့် သမဝါယမလုပ်ငန်း များနှင့် သမဝါယမစနစ်ဖွံ့ဖြိုးရေး ဆိုင်ရာမူဝါဒ(၅)ရပ်နှင့် လုပ်ငန်းစဉ်(၉)ရပ်တို့ကို ချမှတ်အကောင်အထည်ဖော်ဆောင်ရွက်လျက်ရှိပြီး သမဝါယမအသင်းများနှင့် ညှိနှိုင်းပေါင်းစပ်၍ လုပ်ငန်းအစီအမံ(၈)ရပ်ကို အကောင်အထည်ဖော် ဆောင်ရွက်လျက်ရှိပါသည်

ကျေးလက်နေပြည်သူများနှင့်မြို့ပြနေအခြေခံပြည်သူများ၏လူမှုစီးပွားဘဝဖွံ့ဖြိုးတိုးတက်ရေး အတွက် သမဝါယမစနစ်ဖြင့် တစ်ဖက်တစ်လမ်းမှ အထောက်အကူပြု ဆောင်ရွက်လျက်ရှိရာ တိုင်းဒေသကြီး/ပြည်နယ်(၁၅)ခု၊ မြို့နယ်(၃၀၈)မြို့နယ်ရှိ သမဝါယမအသင်း(၃၈၇၀၀) သင်းမှ အသင်းသား ပေါင်း (၄.၂)သန်းခန့်ဖြင့် ဖွဲ့စည်းထားရှိပါသည်။